پاکستان کرکٹ بورڈ نے محمد رضوان کو ون ڈے انٹرنیشنل ٹیم کے کپتان کے عہدے سے ہٹا کر فاسٹ بولر شاہین شاہ آفریدی کو نیا کپتان مقرر کر دیا ہے۔
اس فیصلے پر کرکٹ حلقوں اور سوشل میڈیا پر مختلف آراء سامنے آرہی ہیں۔ کئی شائقین نے محمد رضوان کی کارکردگی کو مدنظر رکھتے ہوئے ان کی برطرفی پر مایوسی کا اظہار کیا ہے۔
یہ بھی پڑھیں: ون ڈے کرکٹ میں کپتان تبدیل، اب محمد رضوان کو یہ ضرور پوچھنا چاہیے کہ ‘مجھے کیوں نکالا؟’
سابق ٹیسٹ کرکٹر راشد لطیف نے بھی اس فیصلے پر شدید ردِ عمل دیتے ہوئے قومی ٹیم کے ہیڈ کوچ مائیک ہیسن کو اس کا ذمہ دار قرار دیا ہے۔ ان کا کہنا ہے کہ رضوان کو غزہ اور فلسطین کے لیے اظہارِ یکجہتی کرنے کی وجہ سے قیادت سے ہٹایا گیا ہے۔
According to Rashid Latif, Mohammad Rizwan has been removed from the captaincy because he spoke openly for Palestine and Mike Hesson didn’t like the culture he brought to the dressing roompic.twitter.com/YUoKfsqz8q
— Hassan Abbasian (@HassanAbbasian) October 20, 2025
راشد لطیف کا کہنا تھا کہ اگر رضوان نے فلسطین کا جھنڈا اٹھا لیا تو کیا آپ اسے کپتانی سے ہٹا دو گے، یہ سوچ آ گئی ہے کہ اسلامی ملک میں غیر اسلامی کپتان آنا چاہیے۔
ان کا کہنا تھا کہ مائیک ہیسن کو ڈریسنگ روم میں یہ کلچر پسند نہیں آتا ہو گا۔ ان کے ساتھ 5,6 افراد کی ٹیم ہے جو اس فیصلے میں شامل ہیں۔ وہ چاہے گا کہ ڈریسنگ روم سے یہ کلچر ختم نہونا چاہیے۔ ان لوگوں کو یہ بات کیوں سمجھ نہیں آرہی۔
یہ بھی پڑھیں: شاہین آفریدی کے نام شاندار اعزاز، ایسا کرنے والے دنیا کے پہلے فاسٹ بولر بن گئے
واضح رہے کہ کرکٹ ورلڈ کپ میں سری لنکا کے خلاف عمدہ پرفارمنس دکھانے کے بعد محمد رضوان نے اپنی شاندار اننگز غزہ کے بہن بھائیوں کے نام کی تھی۔ اس کے علاوہ انہوں نے اپریل میں ’ملتان سلطانز‘ کے ذریعے ہر چھکے اور وکٹ کے بدلے فلسطینی امداد میں 100,000 پاکستانی روپے دینے کا اعلان کیا تھا۔
