عمران خان نے سماجی رابطہ ویب سائٹ ٹوئٹر کے ذریعے پولیس فائرنگ سے 25 غیر مسلح مظاہرین کی ہلاکت اور سیکڑوں زخمیوں کی آزادانہ تحقیقات کا مطالبہ کر دیا۔
ملکی موجودہ صورتحال اور کارکنان کی غیرقانونی گرفتاریوں کے پیش نظر چیئرمین پی ٹی آئی عمران خان نے حکومت پر تنقید کرتے ہوئے کہا کہ قوم کو بدمعاشوں، مجرموں، اخلاقیات سے عاری بے وقوفوں نے اپنے قبضے میں لے رکھا ہے۔
انہوں نے لکھا کہ ملک اپنے بدترین معاشی بحران میں ڈوب رہا ہے، ملک میں مہنگائی اور بے روزگاری عروج پر ہے۔ وقت آ گیا ہے قوم آواز اٹھائیں اس سے پہلے کہ بہت دیر ہو جائے۔
عمران خان نے مزید کہا کہ تمام اقتدار پر قابض لوگ اس بات پر توجہ مرکوز کیے ہوئے ہیں کہ کس طرح سب سے بڑی اور واحد وفاقی پارٹی کو کچل کر ملک میں دہشت گردی کا راج قائم کیا جائے۔