بھارت کے دارالحکومت دہلی میں واقع اندرا گاندھی انٹرنیشنل ایئرپورٹ پر جمعہ کی صبح ایئر ٹریفک کنٹرول کے نظام میں تکنیکی خرابی کے باعث 100 سے زائد پروازیں تاخیر کا شکار ہوگئیں۔
میڈیا رپورٹس کے مطابق بھارتی ایوی ایشن حکام کے مطابق خرابی کو دور کرنے کی کوششیں جاری ہیں۔
اندرا گاندھی انٹرنیشنل ایئرپورٹ بھارت کا مصروف ترین ایئرپورٹ ہے، جہاں روزانہ 1500 سے زائد پروازیں سنبھالتا ہے۔
The @DelhiAirport has come to a standstill with the ATC software issues. Here are about 100 aircraft waiting to take off. pic.twitter.com/EEbUPXZUA5
— Ajay Awtaney (@LiveFromALounge) November 7, 2025
تاہم جمعرات کی شام سے ایئر ٹریفک کنٹرولرز کو پروازوں کے خودکار پلان موصول نہیں ہو رہے۔
میڈیا رپورٹس کے مطابق اس کی وجہ آٹومیٹک میسج سوئچنگ سسٹم میں خرابی بتائی گئی ہے، جو آٹو ٹریک سسٹم کو معلومات فراہم کرتا ہے۔
خودکار نظام کے غیر فعال ہونے کے بعد کنٹرولرز دستی طور پر پروازوں کے منصوبے تیار کر رہے ہیں، جس کے باعث عمل سست اور وقت طلب ہوگیا ہے، اور نتیجتاً درجنوں پروازوں میں تاخیر سامنے آئی ہے۔
حکام کے مطابق خرابی کے سبب ایئر ٹریفک میں بھی ہلکا دباؤ اور رش پیدا ہوا، تاہم معمول کی پروازیں بحال کرنے کی کوششیں تیزی سے جاری ہیں۔
