پاکستان میں تعینات آسٹریلوی ہائی کمشنر نیل ہاکنز نے آج صبح اسلام آباد میں گرمی سے نڈھال ایک میمنے کی نہ صرف جان بچائی بلکہ اسے اپنی بچھڑی ماں سے بھی ملادیا۔
جانوروں سے حسن سلوک کے اس غیر ملکی رویہ کو ٹوئٹر پر شیئر کرنے کی دیر تھی اور ڈھیر لگ گئے آسٹریلوی سفیر کی تعریفوں کے۔ ٹوئیپس نے انہیں محبت اور تشکر کے جذبات سے نوازا۔
No kid-ding! (Apologies for the pun.) Had the cutest encounter on our hike with a newborn goat lost in Margalla Hills. Gave it some water, tender loving care, and a VIP ride in a shopping bag to reunite with its mother.
Meet our (temporary) hitchhiking bleating buddy. 🐐❤️ pic.twitter.com/dRO4jLjEgH
— Neil Hawkins (@AusHCPak) May 20, 2023
ہفتہ کی صبح مارگلہ کی ٹریل 3 پر ہائکنگ کے دوران آسٹریلوی ہائی کمشنر نیل ہاکنزکی نظر ایک میمنے پر پڑی جو گرمی کی شدت سے تنہا نڈھال تھا۔
اس واقع کی ایک ویڈیو اور دوتصویروں پر مبنی اپنی ٹوئیٹ میں آسٹریلوی سفیر نے بتایا کہ آج مارگلہ کی پہاڑیوں پرانہیں اپنی ہائکنگ کے دوران اچانک ایک خوبصورت تجربہ کا سامنا کرنا پڑا جب انہیں نومولود بکری کا بچہ ملا۔
’اسے کچھ پانی پلایا، نرم دلی اور محبت سے دیکھ بھال کی اوراسے اس کی ماں سے ملانے کے لیے ایک شاپنگ بیگ میں اسے وی آئی پی سواری دی۔‘
انہوں نے کتھئی رنگ کے اس میمنے کو اپنے ہاتھ سے پانی پلانے، ایک خاتون کی گود میں بیٹھنے کی تصویروں سمیت شاپنگ بیگ میں میمنے کو اٹھا کرلے جاتے ہوئے ویڈیو بھی شیئر کی ہے۔
خوشی کا احساس آسٹریلوی ہائی کشمنر کے چہرے اور ٹوئیٹ دونوں سے عیاں ہے۔
