حکومت بلوچستان نے امن و امان کی صورتحال کے پیش نظر صوبے بھر میں دفعہ 144 نافذ کردی ہے۔
محکمہ داخلہ بلوچستان کی جانب سے جاری کیے گئے نوٹیفکیشن کے مطابق پابندی 30 نومبر 2025 تک موثر رہے گی۔
یہ بھی پڑھیں: بلوچستان شدید خشک سالی کے خطرے سے دوچار، ماحولیاتی تبدیلی اور کم بارشیں بڑا چیلنج
نوٹیفکیشن کے تحت صوبے بھر میں موٹرسائیکل کی ڈبل سواری پر پابندی عائد کر دی گئی ہے تاہم خواتین اور بچوں کو اس پابندی سے استثنیٰ حاصل ہوگا۔
https://Twitter.com/TawarePakistan/status/1987738000290402622
اسی طرح غیر رجسٹرڈ موٹرسائیکلوں کی آمد و رفت، گاڑیوں کے سیاہ شیشے اور اسلحے کی نمائش و استعمال پر بھی مکمل پابندی لگا دی گئی ہے۔
حکم نامے کے مطابق 5 یا اس سے زائد افراد کے اجتماع، سیاسی جلسوں، احتجاجی ریلیوں اور دھرنوں کی اجازت نہیں ہوگی۔
جبکہ عوامی مقامات پر چہرہ نقاب، ماسک، مفلر یا کسی بھی ایسی شے سے چہرہ ڈھانپنے کی ممانعت کر دی گئی ہے۔
مزید پڑھیں:بلوچستان میں 142 سال پرانی لیویز فورس کیوں ختم کی گئی؟
مزید برآں، دھماکا خیز مواد اور سلفیورک ایسڈ کی نقل و حرکت پر بھی سخت پابندی عائد کی گئی ہے۔
حکومت نے واضح کیا ہے کہ حکم کی خلاف ورزی کرنے والوں کے خلاف کارروائی تعزیرات پاکستان کی دفعہ 188 کے تحت عمل میں لائی جائے گی۔
مزید پڑھیں:بلوچستان میں والدین و اساتذہ پر مشتمل اسکول انتظامی کمیٹیوں کا قیام
پولیس، لیویزاورایف سی کو ہدایات جاری کردی گئی ہیں کہ حکم نامے پر سختی سے عملدرآمد یقینی بنایا جائے۔
نوٹیفکیشن میں تمام ڈپٹی کمشنرز کو ہدایت کی گئی ہے کہ روزانہ کی بنیاد پرعملدرآمد رپورٹ محکمہ داخلہ کو ارسال کی جائے۔
