چیف جسٹس پاکستان جسٹس عمر عطا بندیال سے اسلام آباد ہائی کورٹ کے 5 ججوں نے ملاقات کی ہے۔
ذرائع کے مطابق چیف جسٹس کے ساتھ ہائی کورٹ کے ججوں کی یہ ملاقات 3 گھنٹے سے زائد وقت تک جاری رہی۔ اس ملاقات میں چیف جسٹس اسلام آباد ہائی کورٹ جسٹس عامر فاروق اور جسٹس سردار اعجاز اسحاق موجود نہیں تھے۔
ملاقات میں زیر سماعت مقدمات سمیت دیگر قانونی و آئینی امور پر بات چیت کی گئی۔ اس کے علاوہ اسلام آباد ہائی کورٹ کی نئی عمارت میں منتقلی کے امور بھی زیرغور آئے۔
واضح رہے کہ اسلام آباد ہائی کورٹ 22 مئی بروز پیر کو شاہراہ دستور پر منتقل ہو جائے گی جہاں پر نئی عمارت تیار کر لی گئی ہے۔
