سینیٹر شیری رحمان نے کہا ہے کہ ’جنہوں نے خط لہرا کر امریکا پر حکومت گرانے کا الزام لگایا وہ آج امریکی ارکان کانگریس کی منت سماجت کر رہے ہیں، نام نہاد ’امریکی سازش‘ کا بیانیہ زمین بوس ہو چکا ہے۔
وفاقی وزیر برائے ماحولیاتی تبدیلی سینیٹر شیری رحمان نے عمران خان کی امریکی رکن کانگریس سے مداخلت کی درخواست پر اپنے ردِعمل میں کہا کہ عمران خان نے ایک سال تک امریکی سازش کا بیانیہ بنایا اب رکن کانگریس کو اپنے حق میں آواز اٹھانے کی گزارش کررہے ہیں۔
نام نہاد "امریکی سازش" کا بیانیہ زمین بوس ہو چکا۔ جنہوں نے خط لہرا کر امریکہ پر حکومت گرانے کا الزام لگایا وہ آج امریکی ارکان کانگریس کی منت سماجت کر رہے۔ عمران خان نے ایک سال تک امریکی سازش کا بیانیہ بنایا اب رکن کانگریس کو اپنے حق میں آواز اٹھانے کی گزارش کررہے۔ 1/3
— SenatorSherryRehman (@sherryrehman) May 21, 2023
انہوں نے کہا کہ عمران خان نے اس وقت بھی اپنی سیاست کی خاطر ملکی خارجی مفادات کے خلاف سازش کی تھی، اب پھر سازشیں گھڑ رہے کہ ان کے حق میں بیرونی ممالک پاکستان کے اندرونی معاملات میں مداخلت کریں، کیا عالمی دنیا عدالتی سہولت کاری، ریلیف اور 9 مئی کے شرمناک واقعات سے غیر واقف ہے؟
عمران خان نے اس وقت بھی اپنی سیاست کی خاطر ملکی خارخی مفادات کے خلاف سازش کی تھی، اب پھر سازشیں گھڑ رہے کہ ان کے حق میں بیرونی ممالک پاکستان کے اندرونی معاملات میں مداخلت کریں۔ کیا عالمی دنیا عدالتی سہولتکاری، رلیف اور 9 مئی کے شرمناک واقعات سے غیر واقف ہے؟ 2/3
— SenatorSherryRehman (@sherryrehman) May 21, 2023
شیری رحمان نے مزید کہا کہ عمران خان کی فسطائی حکومت نے ہماری قیادت کے خلاف جھوٹے کیس چلائے اور ان کو جیل بھیجا، کیا ہم نے بیرونی دنیا سے ملکی معاملات میں مداخلت کی درخواستیں کی تھیں؟
جب عمران خان کی فسطائی حکومت نے ہماری قیادت کے خلاف جھوٹے کیس چلائے اور ان کو جیل بھیجا، تو کیا ہم نے بیرونی دنیا سے ملکی معاملات میں مداخلت کی درخواستیں کی تھی؟ عمران خان نے احتساب کی نام پر سیاست کی ہے، اب خود احتساب اور جوابدہی سے بچنے کے کیلئے عالمی دنیا کی طرف دیکھ رہے۔3/3
— SenatorSherryRehman (@sherryrehman) May 21, 2023
ان کا کہنا تھا کہ عمران خان نے احتساب کی نام پر سیاست کی ہے، اب خود احتساب اور جوابدہی سے بچنے کے کے لیے عالمی دنیا کی طرف دیکھ رہے ہیں۔