ایک مربوط سرکاری اور بین الاقوامی کوشش کے تحت لیبیا سے وطن واپسی کے خواہشمند 170 بنگلہ دیشی شہری منگل کو ڈھاکا پہنچ گئے۔
ان کی واپسی میں لیبیا میں قائم بنگلہ دیشی سفارتخانے، وزارتِ خارجہ، وزارتِ اوورسیز ویلفیئر و محنت کش، لیبیا کی حکومت اور انٹرنیشنل آرگنائزیشن فارمائیگریشن نے مشترکہ کردارادا کیا۔
یہ بھی پڑھیں: ڈھاکا ایئرپورٹ سے اسلحہ چوری، اندرونی عملے کے ملوث ہونے کا شبہ
یہ افراد صبح 6 بج کر 10 منٹ پر بوراک ایئر کی چارٹرڈ پرواز کے ذریعے ڈھاکا کے حضرت شاہ جلال انٹرنیشنل ایئرپورٹ پہنچے۔
Today, IOM Libya facilitated a voluntary humanitarian return flight from Benghazi🇱🇾to Dhaka🇧🇩 supporting 170 Bangladeshi men to safely return home under the EU-funded Migration Protection & Reintegration Programme. We remain committed to protecting migrants’ rights & dignity. ✈️ pic.twitter.com/TVK4pn7bwu
— IOM Libya (@IOM_Libya) November 17, 2025
حکام کے مطابق زیادہ تر واپس آنے والے شہری غیر قانونی طور پر لیبیا پہنچے تھے، جہاں انہیں انسانی اسمگلروں نے یورپ پہنچانے کا جھانسہ دیا تھا۔
لیبیا میں قیام کے دوران متعدد افراد کو اغوا، تشدد اور دیگر بدسلوکی کا سامنا بھی کرنا پڑا۔
مزید پڑھیں:13 سال بعد ڈھاکا سے کراچی کے درمیان پروازیں بحال کرنے کا فیصلہ
ایئرپورٹ پر وزارتِ خارجہ، متعلقہ حکام اور انٹرنیشنل آرگنائزیشن فار مائیگریشن کے نمائندوں نے ان افراد کا استقبال کیا۔
وزارتِ خارجہ نے کہا کہ واپس آنے والے شہری اپنی مشکل داستانیں دوسروں تک پہنچائیں تاکہ غیر محفوظ اور غیر قانونی ہجرت کے خطرات سے آگاہی بڑھے۔
انٹرنیشنل آرگنائزیشن فار مائیگریشن نے ہر شہری کو سفری الاؤنس، غذائی امداد اور بنیادی طبی سہولیات فراہم کیں۔
وزارتِ خارجہ، لیبیا میں بنگلہ دیشی سفارتخانہ، وزارتِ اوورسیزویلفیئر اور انٹرنیشنل آرگنائزیشن فار مائیگریشن کے درمیان تعاون جاری ہے تاکہ لیبیا کے مختلف حراستی مراکز میں موجود دیگر بنگلہ دیشی شہریوں کی محفوظ واپسی بھی یقینی بنائی جا سکے۔
