پاک فضائیہ نے اپنے غازیوں اور شہدا کو خراج عقیدت پیش کرتے ہوئے 1965 کی جنگ کے ہیرو ایئر کموڈور محمد محمود عالم (ایم ایم عالم) سے متعلق ایک خصوصی پرومو جاری کیا ہے۔
https://twitter.com/Basit_390/status/1660292570923126785?s=20
ترجمان پاک فضائیہ کے مطابق ایم ایم عالم نے 1965 کی جنگ کے دوران ایک منٹ میں بھارتی فضائیہ کے 5 طیاروں کو گرانے کا شاندار کارنامہ سر انجام دیا۔
پاک فضائیہ کے مایہ ناز ہواباز نے اپنے F-86 طیارے میں پرواز کرتے ہوئے 5 بھارتی لڑاکا طیاروں کو ایک منٹ سے کم وقت میں تباہ کیا اور 11 روزہ جنگ میں کل 9 بھارتی طیاروں کو نیست و نابود کیا جو کہ آج تک ایک ناقابلِ شکست ریکارڈ ہے۔ ان بہادرانہ خدمات کے اعتراف میں حکومت پاکستان نے آپ کو 2 بار ستارۂ جرأت سے نوازا۔
