بنگلہ دیش کے امور داخلہ کے مشیر، لیفٹیننٹ جنرل (ریٹائرڈ) محمد جہانگیر عالم چوہدری نے کہا ہے کہ ملک میں سابق وزیر اعظم شیخ حسینہ کو دی گئی موت کی سزا کے بعد مکمل سکون قائم ہے۔
شیخ حسینہ گزشتہ برس جولائی کی عوامی بغاوت کے دوران معزول ہوئی تھیں اور بعد ازاں بھارت فرار ہو گئی تھیں۔
یہ بھی پڑھیں: حسینہ واجد کو سزائے موت، بنگلہ دیش میں کہیں جشن، کہیں ہلچل
سیکریٹریٹ میں آئندہ یوم فتح 2025 کی تقریبات کی تیاریوں کے حوالے سے بین الوزارتی اجلاس کے بعد میڈیا سے گفتگو کرتے ہوئے مشیر داخلہ نے کہا کہ مذکورہ عدالتی فیصلے سے متعلق ملک کے کسی حصے میں ’کوئی غیر یقینی یا بدامنی نہیں‘ پائی جاتی۔
یوم فتح کی تقریبات معمول کے مطابق جاری رہیں گی
مشیر نے زور دیا کہ 16 دسمبر کو یوم فتح کے حوالے سے کوئی سیکیورٹی خدشات نہیں، کوئی خوف یا پریشانی نہیں ہے۔
Sheikh Hasina sentenced to DEATH by Bangladesh’s International Crimes Tribunal.
Right now in Dhaka: people crying tears of joy, fireworks, non-stop sweets distribution.
The witch is finally convicted for the July genocide. Today we won. pic.twitter.com/LE5I7IKSPj
— Defence research forum DRF (@Defres360) November 17, 2025
’شیخ حسینہ کے فیصلے پر کوئی بدامنی نہیں ہوئی، اور ہم یوم فتح پر کسی بھی قسم کی خرابی کی توقع نہیں رکھتے۔‘
مزید پڑھیں:بھارت حسینہ واجد کو بنگلہ دیش کے حوالے کرے گا یا نہیں؟ دہلی کا ردعمل آگیا
انہوں نے تصدیق کی کہ یوم فتح کے تمام قومی پروگرام طے شدہ شیڈول کے مطابق منعقد ہوں گے۔
’تقریبات ہمیشہ کی طرح منظم کی جائیں گی، اس سال تو ان کا دائرہ اور بھی وسیع ہوگا، تاہم، پچھلے سال کی طرح اس بار بھی کوئی فوجی پریڈ نہیں ہوگی۔‘
صحافی کے اغوا کے الزام کی تحقیقات
ایک سوال کے جواب میں کہ گزشتہ رات ایک صحافی کو مبینہ طور پرڈیٹیکٹیو برانچ کے اہلکاروں کے ہاتھوں گرفتاری اور بعد ازاں رہائی کے حوالے سے مشیر نے کہا کہ انہیں اس واقعے کی پہلے سے کوئی معلومات نہیں تھیں۔
’یہ پہلی بار ہے کہ مجھے اس کے بارے میں معلوم ہوا، جیسے ہی میں اس کی تحقیقات کروں گا، تفصیلات سامنے آئیں گی، اس معاملے کو بہت سنجیدگی سے لیا جائے گا۔‘
