وزیر قانون اعظم نذیر تارڑ نے مرحوم سینیٹر عرفان صدیقی کی یاد میں منعقدہ تعزیتی ریفرنس میں اظہار خیال کرتے ہوئے کہا کہ مرحوم عرفان صدیقی بہترین انسان اور اصولوں کی سیاست کے علمبردار تھے۔
مزید پڑھیں: عرفان صدیقی اعلیٰ شخصیت کے حامل انسان تھے، انہیں کبھی غصے میں نہیں دیکھا، رانا ثنااللہ
وزیر قانون نے کہا کہ عرفان صدیقی نے مسلم لیگ ن کے ساتھ گہری وابستگی کے ساتھ قومی سطح پر قانون سازی میں اہم کردار ادا کیا اور سینیٹ میں ہمارے پارلیمانی رہنما بھی رہے۔
مزید پڑھیں: عرفان صدیقی کی وفات پر اپنا دکھ بیان نہیں کر سکتا، نواز شریف کے مرحوم سینیٹر کے گھر آمد، اہل خانہ سے تعزیت
اعظم نذیر تارڑ نے مزید کہا کہ وہ شاندار استاد اور باصلاحیت سیاستدان تھے، گفتگو اور مذاکرات کے ذریعے ہمیشہ مسائل کا حل نکالتے تھے۔ مرحوم کے انداز گفتگو اور اصولی سیاست سے ہمیں سیکھنا چاہیے، کیونکہ سیاست میں انتشار قوموں پر منفی اثر ڈال سکتا ہے۔
