پاکستان اسٹاک ایکسچینج میں کئی روز کی تیزی کے بعد جمعہ کو کاروباری سیشن کے ابتدائی نصف میں بےرونق اور محتاط رجحان دیکھنے میں آیا۔
بینچ مارک کے ایس ای 100 انڈیکس دوپہر 12 بجے تک معمولی اضافے کے ساتھ 163,006.33 پوائنٹس پر ٹریڈ کر رہا تھا، جو 81.72 پوائنٹس یعنی 0.05 فیصد اضافہ ہے۔
یہ بھی پڑھیں: ’ایلیٹ کیپچر‘ پاکستانی معیشت کو کھربوں روپوں کا نقصان پہنچا رہا ہے، آئی ایم ایف
کاروبار کے دوران کمرشل بینکس، آئل اینڈ گیس ایکسپلوریشن، آئل مارکیٹنگ کمپنیز، بجلی پیدا کرنے والی کمپنیوں اور ریفائنری سیکٹرز میں خریداری دیکھی گئی۔
The Pakistan Stock Exchange surged 710.66 points to close at 162,936.94, fueled by positive earnings from Honda Atlas Cars and a $330 million loan from ADB, with key sectors like oil & gas and cement leading the rally. #PSX #StockMarket https://t.co/ZPyEDkzLGL pic.twitter.com/vzvDyXezzQ
— Investify Pakistan (@investifypk) November 21, 2025
حبکو، ایس این جی پی ایل، ایچ بی ایل، ایم ای بی، ایم ای بی ایل اور این بی پی سمیت انڈیکس پر اثرانداز ہونے والے بڑے شیئرز مثبت زون میں ٹریڈ کرتے رہے۔
گزشتہ روز قبل یعنی جمعرات کو بھی مارکیٹ میں مثبت رجحان غالب رہا تھا، جہاں تمام بڑے انڈیکس اوپر بند ہوئے اور مجموعی مارکیٹ کیپٹلائزیشن میں نمایاں اضافہ ریکارڈ کیا گیا۔
مزید پڑھیں: پاکستان اسٹاک مارکیٹ کی تاریخی بلندی کا ملک کی معیشت سے کتنا تعلق ہے؟
کے ایس ای 100 انڈیکس 710.66 پوائنٹس یعنی 0.44 فیصد بڑھ کر 162,936.94 پوائنٹس پر بند ہوا تھا۔
بین الاقوامی منڈیوں میں جمعہ کو ایشیائی شیئر مارکیٹس میں مندی کا سلسلہ جاری رہا۔
امریکی لیبر ڈیٹا کے غیر واضح اثرات اور شرحِ سود کے مستقبل سے متعلق بے یقینی کے باعث سرمایہ کاروں نے رسک والے اثاثوں سے ہاتھ کھینچ لیا۔
اگرچہ اینوڈیا کے شاندار نتائج نے ٹیک سیکٹر کو سہارا دیا تھا، تاہم وال اسٹریٹ میں ایک بار پھر ٹیک اسٹاکس کی زیادہ قیمتوں پر تشویش بڑھ گئی۔
مزید پڑھیں: اسٹاک ایکسچینج میں تیزی کا رجحان برقرار، انڈیکس میں 1,300 پوائنٹس کا اضافہ
جس کے باعث نیسڈیک میں 9 اپریل کے بعد سب سے بڑی ایک روزہ مندی دیکھی گئی۔
امریکا میں ستمبر کے دوران توقع سے زیادہ نوکریاں پیدا ہوئیں، مگر بیروزگاری کی شرح میں اضافہ اور پچھلے مہینوں کے اعداد میں کمی نے فیڈرل ریزرو کے آئندہ فیصلے کو مبہم بنا دیا ہے۔
ٹریژری ییلڈز میں کمی اور دسمبر میں شرحِ سود میں کمی کے امکانات 30 فیصد سے بڑھ کر 40 فیصد ہوگئے ہیں، لیکن فی الحال سرمایہ کار مطمئن نظر نہیں آتے۔
اسی دوران، جمعہ کو ایم ایس سی آئی ایشیا پیسیفک انڈیکس 1.8 فیصد گر گیا، جس سے ہفتہ وار نقصان 3 فیصد تک پہنچ گیا، جو اپریل کے اوائل کے بعد سب سے بڑا ہے۔
جاپانی نکی انڈیکس بھی 1.8 فیصد نیچے آیا اور ہفتے کے دوران تقریباً 2.8 فیصد گر چکا ہے۔
