وزیرِ خزانہ محمد اورنگزیب نے کہا ہے کہ حکومت ’پاکستان فرسٹ‘ کے ایجنڈے کو آگے بڑھا رہی ہے اور آئی ایم ایف کے ساتھ اسٹاف لیول معاہدہ ہو چکا ہے، این ایف سی ایوارڈ سے متعلق اجلاس آئندہ ہفتے ہوگا۔
یہ بھی پڑھیں: آئی ایم ایف اور ورلڈ بینک کے سالانہ اجلاس، وزیرخزانہ شرکت کے لیے واشنگٹن پہنچ گئے
محمد اورنگزیب نے پریس کانفرنس میں بتایا کہ اصلاحات کے عمل میں پیش رفت جاری ہے، مجموعی برآمدات میں 5 فیصد اضافہ ہوا ہے اور ترسیلاتِ زر بھی بڑھ رہی ہیں۔
انہوں نے کہا کہ مینوفیکچرنگ کے شعبے میں بہتری خوش آئند ہے اور حکومت نجی شعبے کی حوصلہ افزائی کررہی ہے۔
یہ بھی پڑھیں: آئی ایم ایف اور ورلڈ بینک کے سالانہ اجلاس، وزیرخزانہ شرکت کے لیے واشنگٹن پہنچ گئے
وزیرِ خزانہ نے کہا کہ پالیسی ریٹ میں کمی سے قرض کی ادائیگی پر مثبت اثر پڑا ہے اور پائیدار ترقی کے لیے ادائیگیوں کا توازن اور کرنٹ اکاؤنٹ اہم ہیں۔ آئی ٹی کے شعبے میں ماہانہ بنیادوں پر بہتری دیکھی جا رہی ہے۔
محمد اورنگزیب نے کلائمیٹ فنانسنگ کی اہمیت پر زور دیتے ہوئے کہا کہ وزیرِ اعظم نے ایکسپورٹ ڈیولپمنٹ سرچارج ختم کرنے کی ہدایت دی ہے اور کابینہ سے منظوری کے لیے سمری بھیجی جا چکی ہے۔ انہوں نے مزید بتایا کہ جلد پانڈا بانڈ کے اجراء کا منصوبہ بھی زیر غور ہے۔
یہ بھی پڑھیں: وفاقی وزیرخزانہ کا معاشی اشاریوں میں بہتری، شرح سود اور بجلی کے نرخ میں مزید کمی کا عندیہ
وزیرِ خزانہ نے اعلان کیا کہ این ایف سی ایوارڈ سے متعلق اجلاس آئندہ ہفتے ہوگا۔
