مصر کے وزیرِ خارجہ ڈاکٹر بدر احمد محمد عبدالعاطی نے آج آرمی چیف جنرل سید عاصم منیر سے جی ایچ کیو راولپنڈی میں ملاقات کی۔
ملاقات میں پاکستان اور مصر کے درمیان دوطرفہ تعلقات، خصوصاً دفاع اور سیکیورٹی تعاون، عسکری روابط، تربیتی اشتراک اور خطے میں امن و استحکام کے امور پر تفصیلی تبادلہ خیال کیا گیا۔
#ISPR
Rawalpindi, 1 December, 2025H.E Dr. Badr Ahmed Mohamed Abdelatty, Foreign Minister of the Arab Republic of #Egypt, called on Field Marshal Syed Asim Munir, NI (M), HJ, Chief of Army Staff (#COAS), #Pakistan Army at Rawalpindi today. #AsimMunir #CDF #PakistanArmy
During… pic.twitter.com/Mm23ufVVDg
— Pakistan Armed Forces News 🇵🇰 (@PakistanFauj) December 1, 2025
آئی ایس پی آر کے مطابق دونوں رہنماؤں نے دفاعی اور اسٹریٹجک شعبوں میں دیرینہ تعلقات کو مزید مضبوط بنانے کے عزم کا اعادہ کیا۔
اس موقع پر مصری وزیرِ خارجہ نے مصر کی قیادت کی جانب سے نیک خواہشات پہنچائیں اور پاکستان کے ساتھ ہر شعبے میں تعاون کو فروغ دینے میں گہری دلچسپی کا اظہار کیا۔
یہ بھی پڑھیں: فیلڈ مارشل سید عاصم منیر سے ایرانی سپریم نیشنل سیکیورٹی کونسل کے سیکریٹری علی لاریجانی کی ملاقات، آئی ایس پی آر
ملاقات میں خطے کی بدلتی ہوئی سیکیورٹی صورتحال کے تناظر میں قریبی رابطوں اور اعلیٰ سطحی تبادلوں کے تسلسل پر بھی زور دیا گیا تاکہ ابھرتے ہوئے چیلنجز کا موثر طور پر مقابلہ کیا جا سکے۔
