پاکستان کرپٹو کونسل کے چیف ایگزیکٹو آفیسر بلال بن ثاقب نے وزیرِ اعظم کے بلاک چین اور کرپٹو کرنسی کے لیے معاونِ خصوصی کے عہدے سے استعفیٰ دے دیا ہے۔
استعفیٰ کے باوجود وہ پاکستان ورچوئل ایسیٹس ریگولیٹری اتھارٹی کے چیئرمین کے طور پر اپنی خدمات جاری رکھیں گے۔
یہ بھی پڑھیں:بلال بن ثاقب اور بو ہائنس کی ملاقات، پاک امریکا ڈیجیٹل شراکت داری کی نئی راہ ہموار
13 اکتوبر کی تاریخ کے ساتھ کابینہ ڈویژن کی جانب سے جاری ہونے والے ایک نوٹیفیکیشن کے مطابق وزیرِ اعظم شہباز شریف نے بلال بن ثاقب کا استعفیٰ 21 اگست سے مؤثر تسلیم کر لیا ہے۔
Bilal bin Saqib resigned as Special Assistant to PM on Crypto.
According to his team he still has status of state minister but as head of Crypto Regulatory body he could not hold SAPM post. pic.twitter.com/FWSMFs3QFT— Waseem Abbasi (@Wabbasi007) December 2, 2025
بلال بن ثاقب کو 26 مئی کو معاونِ خصوصی کے طور پر وزیرِ مملکت کا درجہ دے کر تعینات کیا گیا تھا۔
جبکہ انہیں یکم اگست کو پرو بونو بنیادوں پر 3 سال کے لیے ورچوئل ایسیٹس ریگولیٹری اتھارٹی کا چیئرمین مقرر کیا گیا۔
پاکستان ورچوئل ایسیٹس ریگولیٹری اتھارٹی ایک خود مختار وفاقی ادارہ ہے جس کا انتظام ایک ملٹی اسٹیک ہولڈر بورڈ کے تحت ہوتا ہے۔
مزید پڑھیں: ’دنیا کو ٹیسلا اور ٹرمپ ایک ہی گروپ چیٹ میں چاہییں‘،بلال بن ثاقب کی ایلون مسک کے والد سے ملاقات
جس میں اسٹیٹ بینک آف پاکستان کے گورنر، سکیورٹیز اینڈ ایکسچینج کمیشن آف پاکستان کے چیئرمین اور فیڈرل بورڈ آف ریونیو کے چیئرمین شامل ہیں۔
اتھارٹی کا مقصد غیر قانونی رقوم کی روک تھام، صارفین کا تحفظ، اور فِن ٹیک، ترسیلاتِ زر اور ٹوکنائزڈ اثاثوں کے شعبوں میں مواقع پیدا کرنا ہے۔
جبکہ شریعت کے مطابق جدت کو ریگولیٹری سینڈ باکس کے ذریعے فروغ دینا بھی اس کے مینڈیٹ میں شامل ہے۔
مزید پڑھیں:کیا پاکستان کرپٹو کرنسی میں واقعی بھارت کے مقابلے میں آگے نکل گیا ہے؟
فوربز کے مطابق بلال بن ثاقب تیابہ نامی ایک سماجی ادارے کے شریک بانی بھی ہیں، جسے فوربز نے پاکستان میں پانی کے بحران کے حل کے لیے کام کرنے والی تنظیم قرار دیا ہے۔
مزید برآں، بلال بن ثاقب کو 2023 میں برطانیہ کی نیشنل ہیلتھ سروس میں خدمات کے اعتراف میں ایم بی ای سے بھی نوازا گیا تھا۔
ایم بی ای برطانوی اعزاز ہے جو کسی ایسی نمایاں خدمات یا کامیابی پر دیا جاتا ہے جس کا معاشرے پر دیرپا اور اہم اثر پڑا ہو۔
