پاکستانی یوٹیوبر اور ڈیجیٹل کریئیٹر رجب بٹ ایک بار پھر تنازعہ کا شکار ہو گئے ہیں۔ وہ حالیہ دنوں میں کئی ٹک ٹاک لائیو سیشنز کر رہے ہیں اور ان کے بیانات اور رویے کی وجہ سے انہیں شدید تنقید کا سامنا ہے۔
حال ہی میں ان کی ایک ویڈیو وائرل ہوئی جس میں انہیں بھارتی ٹک ٹاکر ریا جو کہ اس وقت دبئی میں مقیم ہیں کہ ساتھ فلرٹ کرتے دیکھا گیا۔ لائیو گفتگو کے دوران رجب بٹ نے ان کے ساتھ نہ صرف بے تکلّفانہ انداز اختیار کیا بلکہ کھل کر ان سے محبت کا اظہار بھی کیا۔ ریا کے سوال پر کہ وہ عام طور پر لوگوں کے ساتھ سخت لہجے میں بات کرتے ہیں لیکن ان کے ساتھ نرم رویہ کیوں اپنایا، رجب نے جواب دیا کہ وہ انہیں پسند کرتے ہیں اسی لیے رویہ مختلف ہے۔ رجب بٹ کا کہنا تھا کہ ’پیار محسوس کرو میں تمہیں دیکھ کر خوش ہو جاتا ہوں‘۔
View this post on Instagram
رجب کے ٹک ٹاک لائیو سیشنز کا حال ہی میں ان کی والدہ نے دفاع کیا ہے جن کا کہنا ہے کہ وہ یہ سب ’چیریٹی‘ کے لیے کرتے ہیں۔ اس قسم کی ’چیریٹی‘ اب زیرِ تنقید ہے کیونکہ رجب نہ صرف شادی شدہ ہیں بلکہ ایک بچے کے والد بھی ہیں۔
سوشل میڈیا صارفین رجب بٹ کی ویڈیو کو خوب تنقید کا نشانہ بنا رہے ہیں۔ ایک صارف نے لکھا کہ ’اب اس کی والدہ اس کا کیسے دفاع کریں گی؟ وہ کبھی نہیں بدلے گا کیونکہ اس کی ماں اس کا ساتھ دیتی ہے اور اسے اپنی بیوی کی پروا نہیں۔ ایک اور صارف کا کہنا تھا کہ ’اللہ سب لڑکیوں کو ایسے شوہروں سے بچائے‘۔
