امریکی محکمہ خارجہ نے لبنان کو 2 قسم کے میڈیم ٹیکٹیکل وہیکلز اور متعلقہ ساز و سامان کی ممکنہ فروخت کی منظوری دے دی ہے۔
پینٹاگون کی ڈیفینس سیکیورٹی کوآپریشن ایجنسی کے مطابق ان وہیکلزکی کل قیمت کا تخمینہ 9 کروڑ 5 لاکھ ڈالر لگایا گیا ہے۔
یہ بھی پڑھیں: غزہ جنگ بندی کے ایک روز بعد ہی اسرائیل کے لبنان پر فضائی حملے
اس مجوزہ فروخت میں اسپیئر پارٹس، تکنیکی دستاویزات، عملے کی تربیت اور لاجسٹک معاونت شامل ہے، جسے باضابطہ طور پر امریکی کانگریس کو بھیج دیا گیا ہے۔
🇺🇸 | 🇱🇧 The Pentagon has announced its approval for the sale of vehicles and equipment to Lebanon at a cost of $90.5 million. This move could strengthen Lebanon's military capabilities amid ongoing security concerns in the region. Enhanced military support from the U.S. may also… pic.twitter.com/he3xp3r9jS
— Observe Lebanon (@ObserveLebanon) December 5, 2025
لبنان نے5 ٹن کے M1085A2 اور 2.5 ٹن کے M1078A2 ٹیکٹیکل وہیکلز کی درخواست کی ہے، جو دونوں وِنچ کے بغیر ہیں۔
ڈیفنس سیکیورٹی کوآپریشن ایجنسی کے مطابق، یہ فروخت لبنان کی موجودہ اور مستقبل کے خطرات سے نمٹنے کی صلاحیت میں اضافہ کرے گی، جس سے لبنانی مسلح افواج کو سرحدی سکیورٹی کے چیلنجز کا فوری جواب دینے اور انسدادِ دہشت گردی کارروائیاں انجام دینے میں مدد ملے گی۔
مزید پڑھیں: اسرائیل نے جنوبی لبنان میں حزب اللہ پر حملے تیز کرنے کی دھمکی دے دی
مضبوط وہیکل فلیٹ امریکا اور لبنان کے درمیان عملی اور تربیتی تعاون کو بھی تقویت دے گا۔
ایجنسی نے کہا کہ لبنان کو ان گاڑیوں اور معاون خدمات کو اپنی افواج میں شامل کرنے میں کوئی مشکل پیش نہیں آئے گی اور یہ بھی واضح کیا کہ اس فروخت سے خطے کا فوجی توازن متاثر نہیں ہوگا۔
مزید پڑھیں: پوپ لیو کی یورپ میں پھیلتے اسلاموفوبیا پر کڑی تنقید، لبنان میں امن کی اپیل
وسکونسن میں قائم کمپنی اوشکوش ڈیفنس کو اس منصوبے کا بنیادی ٹھیکیدارمقرر کیا گیا ہے، ابھی تک کوئی آفسیٹ معاہدہ تجویز نہیں کیا گیا، اور اس منصوبے کی تکمیل کے لیے لبنان میں اضافی امریکی عملے کی ضرورت نہیں ہوگی۔
ڈی ایس سی اے نے واضح کیا کہ 90.5 ملین ڈالر وہ زیادہ سے زیادہ تخمینہ ہے جو ابتدائی ضروریات کی بنیاد پر لگایا گیا ہے، اور یہ رقم حتمی معاہدے اور بجٹ کے مطابق کم بھی ہوسکتی ہے۔
مزید پڑھیں: اسرائیل، لبنان کشیدگی مکمل جنگ میں تبدیل ہو سکتی ہے، امریکا
یہ مجوزہ فروخت مشرقِ وسطیٰ میں لبنان کے استحکام اور سیکیورٹی کو مضبوط بنانے کے لیے امریکا کی وسیع تر کوششوں کا حصہ ہے، جس کا مقصد لبنان کو خطے میں سیاسی و معاشی ترقی کے فروغ کے لیے ایک مضبوط شراکت دار کے طور پر مستحکم کرنا ہے۔
