لوگ واش روم میں نہاتے ہوئے گانا گاتے ہیں یہ تو سب نے سنا تھا لیکن سرجری کے دوران گانا گانا شاید ہی کبھی کسی نے سنا ہو۔
سوشل میڈیا پر ایک لڑکے کی ویڈیو وائرل ہو رہی ہے جو اپنی سرجری کے دوران گانا گا رہا ہے۔
آپ بھی یہ سوچ رہےہوں گے کہ ایک ایسا شخص جس کی ایک طرف ہسپتال میں ڈاکٹر سرجری کر رہے ہوں اور دوسری طرف وہ شخص گانا گا رہا ہو،لیکن ایسا ہوا ہے۔
ویڈیو شیئرنگ ایپ یوٹیوب پر شیئر کی جانے والی ویڈیو کو’ ایچ ایم سی ہسپتال پشاور میں لڑکا سرجری کے دوران گانا گاتے ہوئے ‘کے نام سے شیئرکی گئی۔
سوشل میڈیا پر وائرل ہونے والی ویڈیو میں دیکھاجا سکتا ہے کہ مریض لڑکا ہسپتال کے بیڈ پر لیٹا ہوا ہے اور ڈاکٹرز اس کی سرجری کر رہے ہیں جبکہ کمرے میں عملہ کے دیگرافراد بھی موجود ہیں۔
ویڈیو میں گانا’ ہوا ہے آج پہلی بار‘ لڑکے کے ساتھ بیڈ پر پڑے ایم پی 3پر چل رہا ہے
دوسری طرف لڑکا اپنی سرجری کے دوران چہرہ پر بغیر کسی خوف کے لائے گانا ساتھ ساتھ دہرا رہا ہوتا ہے۔
لڑکے کی سرجری کے دوران گانا گاتے ہوئے کی ویڈیو دیکھنے کے بعد آپ بھی حیران ہوں گے کہ سرجری کے دوران آدمی خود اتنا خوفزدہ ہوتا ہے لیکن اس لڑکے نے تو گانا ہی گا ڈالا۔
ہو سکتا ہے لڑکے نے سرجری سے اپنی توجہ ہٹانے کے لیے گانا گایا ہو۔