آسٹریلوی شہر سڈنی میں فائرنگ سے ہلاکتیں، صدر مملکت آصف زرداری اور وزیراعظم شہبازشریف کی مذمت

اتوار 14 دسمبر 2025
icon-facebook icon-twitter icon-whatsapp

صدر مملکت آصف علی زرداری اور وزیراعظم شہباز شریف نے آسٹریلیا کے شہر سڈنی میں بونڈی بیچ پر فائرنگ کے افسوسناک واقعے کی مذمت کرتے ہوئے واقعے پر گہرے رنج و غم کا اظہار کیا ہے، جس کے نتیجے میں 10 افراد جاں بحق اور متعدد زخمی ہوگئے ہیں۔

یہ بھی پڑھیں: آسٹریلیا کے بونڈی بیچ پر یہودی تہوار کے دوران فائرنگ، 10 افراد ہلاک

صدر مملکت نے واقعے میں جاں بحق ہونے والوں کے اہلخانہ سے تعزیت کا اظہار کیا اور زخمیوں کی جلد صحتیابی کی دعا کی، زخمی ہونے والے پولیس اہلکار بھی شامل ہیں۔

صدر مملکت آصف علی زرداری کا کہنا ہے کہ پاکستان خود دہشتگردی کا طویل عرصے تک سامنا کرچکا ہے، اس لیے ایسے حملوں سے پیدا ہونے والے درد اور صدمے کو بخوبی سمجھتا ہے۔ انہوں نے معصوم شہریوں کے خلاف تشدد کی شدید مذمت کرتے ہوئے اس مشکل وقت میں آسٹریلیا کے عوام اور حکومت کے ساتھ یکجہتی کا اظہار کیا۔

صدر مملکت نے دہشتگردی کے خلاف پاکستان کے اصولی مؤقف کا اعادہ کرتے ہوئے کہا کہ پاکستان ہر قسم کی دہشتگردی کے خلاف ہے۔

https://twitter.com/CMShehbaz/status/2000181937630019994

وزیراعظم شہباز شریف کا اظہار افسوس

وزیراعظم شہباز شیرف نے بھی اس افسوسناک واقعے پر گہرے دکھ اور افسوس کا اظہار کیا ہے۔

وزیراعظم نے حملے میں ہلاک ہونے والوں کے لواحقین سے دلی تعزیت کی اور کہا کہ پاکستان دہشتگردی کی ہر شکل اور ہر صورت کی شدید مذمت کرتا ہے۔

شہباز شریف کا کہنا ہے کہ اس مشکل وقت میں پاکستان آسٹریلیا کے عوام اور حکومت کے ساتھ مکمل یکجہتی کا اظہار کرتا ہے۔ انہوں نے متاثرین کے لیے ہمدردی اور زخمیوں کی جلد صحتیابی کی خواہش بھی ظاہر کی۔

یاد رہے کہ آسٹریلیا کے شہر سڈنی میں واقع دنیا کے مشہور بونڈی بیچ پر یہودی تہوار کے موقع پر ہونے والی فائرنگ کے واقعے نے پورے ملک کو ہلا کر رکھ دیا۔ حملے میں کم از کم 10 افراد جان سے گئے جبکہ درجن بھر کے قریب افراد زخمی ہوئے، جنہیں مختلف اسپتالوں میں منتقل کر دیا گیا۔

یہ بھی پڑھیں: آسٹریلیا: اسکول میں فائرنگ سے 9 افراد جاں بحق، متعدد زخمی

غیر ملکی خبر رساں ادارے کے مطابق آسٹریلیا کے شہر سڈنی میں بونڈی بیچ پر اتوار کے روز یہودی تہوار ہنوکا کی تقریب کے دوران مسلح افراد نے اندھا دھند فائرنگ کر دی، جس کے نتیجے میں 10 افراد ہلاک اور تقریباً 12 زخمی ہو گئے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

تحفظ اطفال کی آگہی میں مذہبی رہنماوں کی شمولیت سے مثبت نتائج متوقع ہیں، سیکریٹری مذہبی امور

سونے کی قیمت میں ہزاروں روپے کا حیران کن اضافہ

بنگلہ دیشی سینیئر صحافی انیس عالمگیر کی گرفتاری، عالمی ادارے کی طرف سے تشویش کا اظہار

شادی میں ہوائی فائرنگ سے ایک شخص زخمی، دولہے کا ماموں گرفتار

بھارت کی ’7 سسٹرز‘ کو کاٹ کے رکھ سکتے ہیں، بنگلہ دیشی رہنما کی بھارت کو دھمکی

ویڈیو

پنجاب یونیورسٹی: ’پشتون کلچر ڈے‘ پر پاکستان کی ثقافتوں کا رنگا رنگ مظاہرہ

پاکستان کی نمائندگی کرنے والے 4 بین الاقوامی فٹبالر بھائی مزدوری کرنے پر مجبور

فیض حمید کے بعد اگلا نمبر کس کا؟ وی ٹاک میں اہم خبریں سامنے آگئیں

کالم / تجزیہ

’الّن‘ کی یاد میں

سینٹرل ایشیا کے لینڈ لاک ملکوں کی پاکستان اور افغانستان سے جڑی ترقی

بہار میں مسلمان خاتون کا نقاب نوچا جانا محض اتفاق نہیں