ماں کے قدموں تلے جنت ہے، اس ایک فقرے میں ماں کا کردار اور اس کی اہمیت پنہاں ہے۔ ویسے تو ماؤں کی قربانیوں کو جتنا سراہا جائے کم ہے، مائیں اپنے بچوں کے لیے سب کچھ قربان کر دینے کو تیار ہوتی ہیں لیکن شدید گرمی اور حبس کے موسم میں کچن کا رُخ کر کے ان کے لیے مزے مزے کے پکوان بنانا ان کی عظیم قربانیوں میں سے ایک ہے۔ اسی لیے دنیا کا کوئی بھی پکوان کھا لیں لیکن ماں کے ہاتھ کا ذائقہ نہیں بھول سکتے۔
خواتین اور کچن کا چولی دامن کا ساتھ سمجھا جاتا ہے، یہ گھر کا وہ حصہ ہے جہاں خواتین کا زیادہ تر وقت گزرتا ہے۔ عورت کے بغیر کچن کو ادھورا سمجھا جاتا ہے۔ کچن کا ماحول خواتین کے مزاج پر بھی اثر انداز ہوتا ہے۔ خاص کر گرمی کے موسم میں، جو کام میں دشواری اور تھکن کا احساس دلاتا ہے کیونکہ یہاں درجہ حرارت عموماً زیادہ ہوتا ہے۔ اور اتنی شدید گرمی میں کچن میں جانا قیامت سے کم نہیں ہوتا لیکن خواتین کو کچن کے کام سے ایک دن کی بھی چھٹی نہیں ہوتی۔ ان کو گھر والوں کے لیے مزے مزے کے پکوان تیار کرنا پڑتے ہیں جہاں وہ مختلف کھانے بنا کر اپنی مہارت کا مظاہرہ کرتی ہیں۔
اسی تناظر میں سماجی رابطے کی سائیٹ ٹویٹر پر ایک صارف کی جانب سے ٹویٹ کی گئی کہ جس میں کہا لکھا گیا تھا کہ ’ہر ماں کچن میں اے سی کی مستحق ہے‘
Every mom deserves AC kitchen
— Sajcasm (@sajcasm_) May 23, 2023
اس ٹویٹ پر سوشل میڈیا صارفین کی جانب سے دلچسپ رد عمل دیکھنے میں آیا کسی نے کہا کہ مائیں کچن میں صرف اے سی کی مستحق نہیں بلکہ خاندان کے دیگر افراد کی جانب سے کچن میں مدد کی بھی مستحق ہیں۔
Every mom deserves family's help in the kitchen.
— Narundar (@NarundarM) May 23, 2023
کسی نے گھر کے ساتھ ساتھ نوکری کرنے والی خواتین کی جانب بھی توجہ مبذول کرائی۔ ڈاکٹر ایجتیا لکھتی ہیں کہ صرف کچن میں نہیں بلکہ آفس اور گاڑی میں بھی اے سی لگوانا چاہیے۔
Not only kitchen, an AC office & AC car too.
— Dr. Ajayita (@DoctorAjayita) May 23, 2023
ایک صارف نے کہا کہ کچن میں صرف اے سی کی نہیں بلکہ ہر ماں ایک ایسے بیٹے کی مستحق ہے جو اس کے لیے کھانا بنا سکے۔
https://twitter.com/Pablo_Ozcobar/status/1661044938220670976?s=20
چند صارفین نے کچن میں اے سی لگوانے کے تجویز کو سراہا تو بعض نے تنقید کر ڈالی کہ کچن میں انہیں صرف ماں ہی چاہیے جو کھانا بنا کر دے، ان کا کہنا تھا کہ کبھی خود بھی اٹھ کر کھانا بنا لیا کرو۔
Par kitchen mein chahiye ise maa hi hai, abey khud b bana le! https://t.co/YHIMbysSlo
— Karan YNWA (@karan_ynwa) May 23, 2023
ایک صارف نے تنقید کرتے ہوئے لکھا کہ ہر ماں ایک ایسے بچے کی مستحق ہے جو یہاں ٹویٹ کرنے کی بجائے ان کو اے سی خرید کر دے۔
Every mom deserves a child who gonn let her buy rather tweeting here
— Avi🦈 (@444vvi) May 23, 2023
کچن میں اے سی ہونا چاہیے یا نہیں؟ جہاں چند صارفین اس بحث میں حصہ لے رہے تھے وہیں ایک صارف کا کہنا تھا کہ ہر ماں کچن کی مستحق نہیں ہے۔
Every mom doesn't deserve a kitchen https://t.co/clDWtJisTT
— кαмαкѕнι נнα🔥 (@Nott_Zealot) May 23, 2023
جہاں کچھ صارفین اس حق میں تھے کہ کچن میں خواتین کے لیے اے سی ہونا چاہیے وہیں چند صارفین ایسے بھی تھے جن کو لگتا ہے کہ کچن کا کام صرف خواتین تک محدود نہیں ہونا چاہیے بلکہ مرد حضرات کو بھی کچن میں خواتین کے ساتھ کام میں ہاتھ بٹانا چاہیے۔
