پنجاب حکومت نے صوبے بھر میں فوتیدگی کے موقع پر کھانا پکانے، تقسیم کرنے اور دعوتی تقریبات کے انعقاد پر پابندی عائد کرنے کا فیصلہ کر لیا ہے۔ اس اقدام کا مقصد غمزدہ خاندانوں پر غیر ضروری مالی بوجھ کو کم کرنا اور سوگ کے موقع پر سادگی کو فروغ دینا ہے۔
حکومتی ذرائع کے مطابق فوتیدگی جیسے حساس موقع پر دکھاوے اور غیر ضروری اخراجات کی حوصلہ شکنی کی جائے گی۔ ذرائع کا کہنا ہے کہ اس ضمن میں جلد ضلعی انتظامیہ کو باقاعدہ ہدایات جاری کی جائیں گی۔
*بڑی خبر*
*پنجاب حکومت کا فوتیدگی پر کھانا پکانے کی رسم پر پابندی کا فیصلہ.
*لاہور : پنجاب حکومت نے صوبے بھر میں فوتیدگی کے موقع پر کھانا پکانے، تقسیم کرنے اور دعوتی تقریبات کے انعقاد پر پابندی لگانے کا فیصلہ کیا ہے*
*حکومت کا کہنا ہے کہ اس اقدام کا مقصد غمزدہ خاندانوں پر غیر…
— DTE PUNJAB DSD (@DsdDte) December 14, 2025
پابندی کی خلاف ورزی کرنے والوں کے خلاف قانونی کارروائی عمل میں لائی جائے گی جس کی نگرانی ضلعی انتظامیہ کرے گی۔
علما کرام، سماجی رہنماؤں اور شہریوں نے پنجاب حکومت کے اس فیصلے کو خوش آئند قرار دیتے ہوئے کہا ہے کہ فوتیدگی کے موقع پر سادگی، صبر اور دعا کو ترجیح دی جانی چاہیے نہ کہ غیر ضروری رسومات اور نمود و نمائش کو۔
