پشاور میں وزیر اعلیٰ خیبر پختونخوا سہیل آفریدی نے مئی 2025 کے بھارتی بزدلانہ حملے میں شہید ہونے والے فورسز اہلکاروں کے ورثا سے ملاقات کی اور کہا کہ حکومت ہر قدم پر شہداء کے اہلخانہ کے شانہ بشانہ کھڑی ہے۔ وزیر اعلیٰ نے ورثا کے لیے کابینہ سے منظور شدہ امدادی رقم میں اضافے اور زخمی اہلکاروں کے لیے امداد بڑھانے کا اعلان کیا۔
یہ بھی پڑھیں:فیض حمید کے بعد جنرل باجوہ کا نمبر؟ سہیل آفریدی کی پالیسی مکمل ناکام
وزیر اعلیٰ سہیل آفریدی نے اعلان کیا کہ کابینہ سے منظور شدہ 50 لاکھ روپے کی امدادی رقم میں مزید 50 لاکھ روپے کا اضافہ کیا جائے گا تاکہ شہداء کے اہلخانہ کو مزید سہولت فراہم کی جا سکے۔
وزیر اعلیٰ نے کہا کہ جنگ میں زخمی ہونے والے خیبر پختونخوا کے اہلکاروں کے لیے امدادی رقم 10 لاکھ سے بڑھا کر 25 لاکھ روپے کی جائے گی۔
یہ بھی پڑھیں:’آزادی یا موت‘: عمران خان کا پیغام موصول، بانی پی ٹی آئی وزیراعلیٰ کے پی سہیل آفریدی سے کیا چاہتے ہیں؟
وزیر اعلیٰ نے کہا کہ خیبر پختونخوا کے عوام کی لازوال قربانیاں ملک و قوم کی سلامتی کی ضمانت ہیں اور حق کی راہ میں شہید کبھی نہیں مرتے۔ شہادت مسلمان کے لیے سب سے اعلیٰ اور مثالی موت ہے۔
وزیر اعلیٰ سہیل آفریدی نے کہا کہ شہداء ہمارا فخر ہیں اور خیبر پختونخوا حکومت ان کے ورثاء کا بھرپور خیال رکھے گی۔
