پنجاب کے مختلف علاقوں میں شدید دھند کے باعث حدِ نگاہ بری طرح متاثر ہو گئی ہے، جس کے نتیجے میں متعدد موٹرویز کو مختلف مقامات سے بند کر دیا گیا ہے۔
ترجمان کے مطابق موٹروے ایم ٹو ٹھوکر نیاز بیگ سے للہ انٹرچینج تک جبکہ موٹروے ایم تھری فیض پور سے سمندری تک ٹریفک کے لیے بند ہے۔
مزید پڑھیں: شدید دھند سے پنجاب اور خیبرپختونخوا میں حد نگاہ متاثر، موٹرویز بند
اسی طرح موٹروے ایم فور شیر شاہ سے پنڈی بھٹیاں، موٹروے ایم فائیو شیر شاہ سے ظاہر پیر اور موٹروے ایم الیون لاہور سے سمبڑیال تک بند کر دی گئی ہے، جبکہ موٹروے ایم فائیو ظاہر پیر سے روہڑی تک بھاری گاڑیوں کی آمد و رفت معطل ہے۔
مزید پڑھیں: پنجاب اور خیبر پختونخوا میں شدید دھند، شہری فضا انتہائی آلودہ
شدید دھند کے باعث قومی شاہراہوں پر بھی ٹریفک کی روانی متاثر ہو رہی ہے۔
موٹروے پولیس نے شہریوں کو ہدایت کی ہے کہ دھند کے اوقات میں غیر ضروری سفر سے گریز کریں اور دورانِ سفر احتیاطی تدابیر اختیار کریں۔
