اسلام آباد: پاکستان میں پٹرولیم مصنوعات کی قیمتیں بڑھنے سے مہنگائی کی مجموعی شرح 30فیصد تک بڑھنے کا امکان ہے۔
ایکسپریس ٹریبون میں شائع جاری مطابق عالمی مالیاتی ادارے آئی ایم ایف کی جانب سے جاری کردہ ہدایات پر عملدرآمد کے نتیجے میں مہنگائی کی شرح گزشتہ 49سال کی بلند ترین سطح تک جانے کا امکان ہے،حکومت پٹرولیم مصنوعات پر 200بلین اضافی ٹیکسز لگانے کی تیاری کر رہی ہے، جس سے آنے والے مہینوں میں پٹرولیم مصنوعات کے ساتھ ساتھ دیگر چیزوں کی قیمتیں بھی 30 فیصد تک بڑھنے کا امکان ہے،عام کھانے پینے کی چیزیں مثلا آتا، گھی، چکن ،چاول کی قیمتوں میں ہوشربا اضافے کا امکان ظاہر کیا جا رہا ہے۔
امریکی ڈالر مہنگا ہونے کے باعث پٹرولیم مصنوعات کی قیمتوں میں اضافے کے ساتھ ساتھ عام صارفین کے بجلی اور گیس کے بلوں میں بھی اضافے کا امکان ہے،پاکستان اسٹیٹ بنک نے بھی شرح سود 17 فیصد کر دی ہے، جبکہ مہنگائی میں اضافے کو مد نظر رکھتے ہوئے اس شرح سود میں مزید اضافے کا امکان رد نہیں کیا جا سکتا۔
رپورٹ کے مطابق اسٹیٹ بنک آف پاکستان نے نومبر 2022 میں سال 2023 میں منگائی 21 سے 23 فیصد تک ہونے کی پیشگوئی کی تھی، جبکہ 2022 میں مہنگائی کی شرح 18 سے 20 فیصد تک بڑھی۔
اسٹیٹ بینک کے مطابق ڈالر اور پٹرولیم مصنوعات کی بڑھتی قیمت کے باعث مہنگائی کی شرح مزید بڑھنے کا امکان ہے۔
