اداکارہ اور ماڈل حنا آفریدی نے اپنی زندگی کے نئے سفر کا آغاز کرتے ہوئے منگنی کا اعلان کردیا ہے۔
حنا آفریدی نے سوشل میڈیا کے ذریعے مداحوں کو یہ خوشخبری دی، جس کے بعد شوبز حلقوں اور فینز کی جانب سے مبارکبادوں کا سلسلہ شروع ہو گیا۔
یہ بھی پڑھیں: کرکٹرعبدالرزاق نے اسٹیج اداکارہ دیدار سے منگنی کیوں توڑی؟
حنا آفریدی نے اپنے کیریئر کا آغاز ماڈلنگ سے کیا تھا اور ملک کے کئی بڑے برانڈز کے ساتھ کام کیا۔ بعد ازاں انہوں نے اداکاری کے میدان میں قدم رکھا اور فیصل قریشی اور فیروز خان جیسے نامور اداکاروں کے ساتھ اسکرین شیئر کی۔
View this post on Instagram
حنا آفریدی کی منگنی معروف کانٹینٹ کری ایٹر تیمور اکبر المعروف تیموری سے ہوئی ہے، یہ خبر سامنے آتے ہی مداحوں کے لیے خوشگوار حیرت بن گئی، کیونکہ اداکارہ نے اپنی ذاتی زندگی کو عموماً نجی رکھا۔
یہ بھی پڑھیں: دھوم دھام سے منگنی کرنے والے اداکارہ عروبہ مرزا اور حارث سلیمان کی راہیں جدا
حنا آفریدی کی جانب سے زندگی کے اس نئے مرحلے میں داخل ہونے پر شوبز انڈسٹری سے وابستہ شخصیات اور مداحوں نے نیک خواہشات کا اظہار کیا ہے۔
