معروف پاکستانی اداکارہ عروبہ مرزا نے شادی سے قبل ہی اپنے منگیتر حارث سلیمان سے راہیں جدا کرلی ہیں۔
اداکارہ عروبہ مرزا اور حارث سلیمان کی منگی 2022 میں ہوئی تھی، جس کی تصاویر بھی سوشل میڈیا پر سامنے آئی تھیں، اور ان کے چاہنے والوں نے انہیں مبارکباد دی تھی۔
اب اداکارہ عروبہ مرزا کی جانب سے اچانک سوشل میڈیا کے ذریعے اعلان کیا ہے کہ انہوں نے حارث سلیمان سے منگنی ختم کرلی ہے۔
اداکارہ نے پوسٹ میں لکھا کہ حارث سلیمان اور میں نے ذاتی وجوہات کی بنیاد پر یہ فیصلہ کیا ہے، اور اب سے ہماری راہیں جدا ہیں۔
انہوں نے کہاکہ یہ چونکہ مشکل فیصلہ ہے، لیکن بہترین اس لیے ہے کہ ہم دونوں الگ الگ رہتے ہوئے زندگی کو آگے بڑھائیں۔
عروبہ نے اپنی پوسٹ میں چاہنے والوں سے درخواست کی ہے کہ وہ دونوں کی پرائیویسی کا احترام کریں۔
دوسری جانب میڈیا رپورٹس کے مطابق اداکارہ عروبہ مرزا اس سے قبل بھی طلاق یافتہ ہیں، اور پہلی شادی سے ان کی ایک بیٹی بھی ہے۔
