اسلام آباد پولیس نے تھانہ ہمک اور ہومی سائیڈ یونٹ، سواں زون کی مشترکہ کارروائی میں اغوا کے بعد قتل ہونے والے مقتول سرفراز کے قاتل چند گھنٹوں میں گرفتار کر لیے۔
مزید پڑھیں: اسلام آباد پولیس سیکیورٹی ڈویژن کی سال 2025 کی کارکردگی رپورٹ جاری
ترجمان اسلام آباد پولیس کے مطابق، ہیومن ریسورسز اور جدید ٹیکنالوجی کی مدد سے ملزمان کو ٹریس کیا گیا۔ ڈی آئی جی اسلام آباد محمد جواد طارق نے بتایا کہ مرکزی ملزم جمعہ خان نے ذاتی رنجش پر دوست وقاص کے ساتھ مل کر مقتول کو قتل کیا۔ قتل کے بعد مقتول کی لاش نالے میں کنکریٹ کے پائپ میں چھپا دی گئی تھی۔
مقتول ایک پرائیویٹ سکیورٹی گارڈ تھا۔ گرفتار ملزمان کے قبضے سے آلہ قتل بھی برآمد کر لیا گیا۔
مزید پڑھیں: اسلام آباد پولیس کی مبینہ کرپشن بےنقاب
ایس پی سواں زون خرم اشرف کی نگرانی میں ایس ایچ او ہمک اور ماہر تفتیشی پولیس افسران پر مشتمل خصوصی ٹیمیں تشکیل دی گئی تھیں۔ ڈی آئی جی نے کہا کہ ملزمان کو قرار واقعی سزا دلوانے کے لیے تمام قانونی تقاضے پورے کیے جائیں گے۔
