بالی ووڈ کے لیجنڈ اداکار دھرمندر کے انتقال کے تقریباً ایک ماہ بعد، ان کی بیٹی ایشا دیول کو منگل کے روز ممبئی ایئرپورٹ پر جذباتی لمحے میں دیکھا گیا۔
23 دسمبر کو اپنی پہلی پبلک اپیرنس کے دوران، ایشا دیول کو پاپرازی نے ایئرپورٹ پہنچتے ہوئے کیمرے میں قید کیا۔ اس موقع پر وہ سادہ سیاہ لباس میں ملبوس تھیں۔
یہ بھی پڑھیے: دھرمندر کی وفات کے بعد سنی دیول اور بوبی دیول کروڑوں کی وراثتی زمین سے محروم
جب وہ سیکیورٹی چیک کے لیے جارہی تھیں، تو پاپرازی نے ان سے چند تصاویر کے لیے پوز دینے کی درخواست کی۔ پوز دیتے ہوئے، ایشا نے کیمرے کے سامنے کوئی مسکراہٹ نہیں دی، جس پر ایک فوٹوگرافر نے پوچھا، کیسی ہیں آپ؟ جس نے ایشا کو حیران کر دیا۔ 44 سالہ اداکارہ اس سوال سے کچھ چونک گئی، لیکن جواب نہ دیتے ہوئے ہاتھ جوڑ کر ایئرپورٹ کے اندر آگے بڑھ گئیں۔
گزشتہ ہفتے، ایشا دیول اور ہیما مالینی نے دھرمنندرا کی یاد میں متھرا کے شری کرشنا جنمشتمی آشرم آڈیٹوریم میں ایک دعائیہ تقریب کا انعقاد بھی کیا۔
یہ بھی پڑھیے: ’یہ دوستی ہم نہیں توڑیں گے‘ ۔۔۔ مگر دھرمیندر چھوڑ گئے
یاد رہے کہ دھرمنندرا 24 نومبر کو ممبئی میں اپنے رہائش گاہ پر انتقال کر گئے تھے۔
دھرمندر کی آخری فلم ‘اکیس’ جس میں اگستیا نندا مرکزی کردار میں ہیں، یکم جنوری کو تھیٹرز میں ریلیز ہونے کے لیے تیار ہے۔
