وزیر دفاع خواجہ محمد آصف نے پاکستان تحریکِ انصاف (پی ٹی آئی) کی قیادت پر شدید تنقید کرتے ہوئے کہا ہے کہ اگرچہ وزیراعظم شہباز شریف مسلسل مذاکرات کی دعوت دے رہے ہیں تاہم پی ٹی آئی لیڈر کے سیاسی ڈی این اے میں مذاکرات کی گنجائش نہیں۔
خواجہ محمد آصف نے سوشل میڈیا پلیٹ فارم ’ایکس‘ (سابق ٹوئٹر) پر اپنی ایک پوسٹ میں کہا کہ وزیراعظم شہباز شریف تواتر کے ساتھ پی ٹی آئی کو مذاکرات کی دعوت دے رہے ہیں۔
یہ بھی پڑھیے وزیراعظم کی جانب سے مذاکرات پر زور دینا سنجیدگی کی عکاسی کرتا ہے، خواجہ آصف
انہوں نے امید ظاہر کی کہ اللہ کرے یہ مذاکرات مثبت اور نتیجہ خیز ثابت ہوں، تاہم ان کا کہنا تھا کہ پی ٹی آئی کے لیڈر کے سیاسی ڈی این اے میں مذاکرات کی گنجائش نہیں۔
وزیر اعظم تواتر کے ساتھ pti کو مذاکرات کی دعوت دے رہے ھیں۔ اللہ کرے مثبت اور نتیجہ خیز مذاکرات ھو سکیں ۔ لیکن pti کے لیڈر کے سیاسی DNA میں مذاکرات کی گنجائش نہیں عمران خان نے ساری زندگی اپنے ذاتی مفاد پہ اول وآخر فوکس کیا ھے۔ مذاکرات کچھ لو اور کچھ دو کی بنیاد پہ کیے جاتے ھیں۔…
— Khawaja M. Asif (@KhawajaMAsif) December 24, 2025
خواجہ آصف نے کہا کہ مذاکرات ہمیشہ کچھ لو اور کچھ دو کی بنیاد پر ہوتے ہیں، مگر عمران خان اس سوچ کے حامل نہیں۔
ان کے بقول، عمران خان نے ساری سیاسی زندگی ذاتی مفاد کو اول و آخر ترجیح دی۔
یہ بھی پڑھیں ’کم ظرف کی گفتگو سنیں، اس کو جیل میں فائیو اسٹار سہولیات میسر ہیں‘، خواجہ آصف کی عمران خان پر تنقید
وزیر دفاع نے کہا کہ عمران خان کوئی اصول پرست شخص نہیں بلکہ 200 فیصد مفاد پرست ہیں، جو ہر معاملے میں صرف اپنے فائدے کے بارے میں سوچتے ہیں۔
ان کا کہنا تھا کہ عمران خان ذاتی منفعت کے لیے اصولوں اور انسانی رشتوں تک کو روند سکتے ہیں۔
