پشاور زلمی کے زیر اہتمام زلمی ٹیلنٹ ہنٹ کے تیسرے روز قومی ٹیم اور پشاور زلمی کے کپتان بابر اعظم کی حیات آباد اسپورٹس کمپلیکس پشاور آمد ہوئی، اسٹیڈیم پہنچنے پر بابراعظم کا روایتی پرجوش استقبال کیا گیا اور پشاوری پگڑی پہنائی گئی۔
قومی ٹیم کے کپتان بابر اعظم پشاور زلمی کی کٹ پہنے حیات آباد اسپورٹس کملیکس پہنچے جہاں انہوں نے زلمی ٹیلنٹ ہنٹ کے ٹرائلز کا جائزہ لیا، نوجوان کھلاڑیوں سے ملاقات کی۔
کپتان بابر اعظم کے پرجوش استقبال کے بعد انکو روایتی پشاوری پگڑی پہنائی گئی۔
#KingBabar is here 💛⚡@babarazam258 reaches Hayatabad Sports Complex, Peshawar for @HaierPakistan Presents Zalmi Talent Hunt Program 2023 🏏#HaierZalmiTalentHunt #YellowStorm #Zalmi #Haier #ZalmiRaalal pic.twitter.com/HHoyHjMs01
— Peshawar Zalmi (@PeshawarZalmi) May 25, 2023
پاکستان سپر لیگ (پی ایس ایل) فرنچائز پشاور زلمی کے زیر اہتمام ہونیوالے زلمی ٹیلنٹ ہنٹ کے کے تیسرے روز بھی حیات آباد کرکٹ اسٹیڈیم میں ٹرائلز کا سلسلہ جاری رہا۔ اوپن ٹرائلز میں اب تک دس ہزار سے زائد نوجوان کرکٹرز نے رجسٹریشن کرائی۔
زلمی ٹیلنٹ ہنٹ کے بعد پشاور زلمی کی جانب سے نوجوان کرکٹرز پر مشتمل چار ٹیمز بنائی گئی ہیں، میچز کے بعد بہترین اور فائنل بیس کھلاڑیوں کا انتخاب کیا جائے گا۔
مزید پڑھیں
نوجوان کھلاڑیوں کے انتخاب کے بعد بیس بہترین کھلاڑیوں کو نیشنل کرکٹ اکیڈمی میں کوچنگ فراہم کی جائے گی۔
