اقوام متحدہ کے امن مشن کی 75 ویں سالگرہ کے موقع پر جنرل اسمبلی ہال میں خصوصی تقریب کا انعقاد کیا گیا، امن مشن کے دوران جام شہادت نوش کرنے والے 8 پاکستانی شہدا کو اعزاز سے نوازا گیا۔
تقریب کی صدارت اقوام متحدہ کے سیکرٹری جنرل اینتونیو گوتریس نے کی۔ اقوام متحدہ میں پاکستان کے قائم مقام سفیر محمد عامر خان اورکرنل راجہ افضال احمد نے سیکرٹری جنرل سے شہداء کےمیڈلز وصول کئے۔
امن مشن کے دوران شہید ہونے والوں میں 6 وہ شہید بھی شامل ہیں جو 29 مارچ 2022 کو ڈیموکریٹک ریپبلک آف کانگو میں اقوام متحدہ کے سٹیبلائزیشن مشن میں شریک تھے، مشن کے دوران فرائض سرانجام دیتے ہوئے ان 6 پاکستانی فوجیوں نے ہیلی کاپٹر حادثے میں جام شہادت نوش کیا۔
امن مشن کے دوران شہید ہونے والوں میں لیفٹیننٹ کرنل آصف علی اعوان، میجر فیضان علی، میجر محمد سعد نعمانی، نائب صوبیدار سمیع اللہ خان، حوالدار محمد اسماعیل، لانس حوالدار محمد جمیل خان شامل ہیں۔
مزید پڑھیں
اقوام متحدہ کے امن مشن میں شہید ہونے والے حوالدار بابر صدیق نے اور نائیک رانا محمد طاہر اسلام نے سنٹرل افریقن ریپبلک میں کثیر جہتی انٹیگریٹڈ سٹیبلائزیشن مشن کے ساتھ فرائض کی انجام دہی کے دوران جام شہادت نوش کیا۔