امریکی نائب صدر جے ڈی وینس کے گھر پر رات کے وقت نامعلوم افراد نے حملہ کیا ہے، جس میں متعدد کھڑکیاں توڑ دی گئیں۔ اس حملے کے بعد سیکرٹ سروس اور مقامی پولیس نے فوری طور پر کارروائی کرتے ہوئے ایک شخص کو حراست میں لے لیا۔
سیکریٹ سروس کے ایجنٹس پیر کی صبح کے ابتدائی اوقات میں جائے وقوعہ پر پہنچے، اور ایک مشتبہ شخص کو حراست میں لے لیا گیا۔
مزید پڑھیں: ’گلے لگانا میری فطرت ہے‘، اریکا کرک کی جے ڈی وینس سے گلے ملنے پر وضاحت
تاہم حکام نے اس بات کی تصدیق نہیں کی کہ اس شخص پر کوئی الزام عائد کیا گیا ہے یا نہیں۔ ایک حکومتی اہلکار نے بتایا کہ جے ڈی وینس فیملی اس واقعے کے وقت گھر پر موجود نہیں تھی۔
واضح رہے کہ نائب صدر جے ڈی وینس نے وینزویلا میں ہونے والی امریکی فوجی کارروائی کی نگرانی کی، اور اس کے بعد واپس آئے تھے۔
پولیس اور سیکرٹ سروس کے اہلکار اس واقعے کے بعد گھر کے اندر نظر آئے، تاہم یہ سمجھا جا رہا ہے کہ نہ تو وینس اور نہ ہی ان کا خاندان اس وقت گھر پر تھے جب حملہ کیا گیا۔
مزید پڑھیں: امریکا اسرائیل کا نگراں نہیں، شراکت دار ہے، نائب امریکی صدر جے ڈی وینس
یہ واقعہ نئے سال کی تعطیلات کے دوران علاقے میں سیکیورٹی کے بڑھتے ہوئے انتظامات کے بعد سامنے آیا۔
