امریکا نے کیریبین سمندر میں وینزویلا سے روانہ ہونے والا ایک اور تیل بردار جہاز قبضے میں لے لیا ہے۔
امریکی حکام کے مطابق یو ایس کوسٹ گارڈ اور میرینز نے مشترکہ کارروائی کے دوران اولینا (Olina) نامی ٹینکر کو بغیر کسی مزاحمت کے تحویل میں لیا۔
مزید پڑھیں: وینزویلا پر دوسرا حملہ منسوخ کردیا، تیل میں 100 ارب ڈالر کی سرمایہ کاری کریں گے، ڈونلڈ ٹرمپ
ہوم لینڈ سیکیورٹی کی وزیر کرسٹی نوم کا کہنا ہے کہ جہاز پر پابندیوں کے تحت ممنوع تیل لادے جانے کا شبہ تھا اور اس نے امریکی فورسز سے بچنے کی کوشش کی۔ امریکی سدرن کمانڈ کے مطابق یہ کارروائی مغربی نصف کرے میں غیر قانونی سرگرمیوں کے خاتمے کے لیے جاری مہم کا حصہ ہے۔
Once you control all the oil, why hold prices down any longer…
US seizes another Venezuelan oil tanker as energy markets experience significant uptick. pic.twitter.com/CHCST5TaZf
— Informer (@X_Informer_X) January 9, 2026
رپورٹ کے مطابق صدر ڈونلڈ ٹرمپ کی جانب سے دسمبر میں وینزویلا کے تیل کی برآمدات پر مکمل پابندی کے اعلان کے بعد اب تک کم از کم 4 تیل بردار جہاز ضبط کیے جا چکے ہیں۔
مزید پڑھیں: پورٹ لینڈ میں وفاقی اہلکار کی فائرنگ، وینزویلا گینگ کے مبینہ 2 ارکان زخمی
امریکی حکام کا کہنا ہے کہ ایسے ’گھوسٹ فلیٹ‘ جہاز جعلی دستاویزات کے ذریعے پابندی شدہ تیل منتقل کرتے ہیں، جبکہ بیشتر جہاز خستہ حال ہونے کے باعث امریکی بندرگاہوں میں داخلے کے معیار پر بھی پورا نہیں اترتے۔
