بھارتی کرکٹ کے لیجنڈ اسنیل گواسکر نے ویمنز کرکٹ اسٹار جمیما روڈریگز سے کیا گیا اپنا وعدہ پورا کرتے ہوئے شائقین کے دل جیت لیے۔ سوشل میڈیا پر وائرل ویڈیو میں دیکھا جا سکتا ہے کہ سنیل گواسکر نے جمیما روڈریگز کو بیٹ کی شکل کی خصوصی گٹار تحفے میں دی اور ان کے ساتھ یادگار لمحہ شیئر کیا۔
یہ بھی پڑھیں: ’میں بھارت میں بھارت کو ہرانے آرہا ہوں‘، سنیل گواسکر نے عمران خان کا دلچسپ قصہ سنا دیا
سنیل گواسکر نے اس موقع پر مزاحیہ انداز میں کہا کہ آج وہ اوپننگ بیٹ نہیں ہیں، جس پر دونوں ہنس پڑے۔ ملاقات کا سب سے دلکش لمحہ اس وقت آیا جب سنیل گواسکر اور جمیما روڈریگز نے فلم شعلے کا مشہور گانا ’یہ دوستی ہم نہیں توڑیں گے‘ گایا، جسے شائقین کی جانب سے بے حد سراہا جا رہا ہے۔
جمیما روڈریگز نے انسٹاگرام پر اس لمحے کو شیئر کرتے ہوئے لکھا کہ سنیل سر نے اپنا وعدہ پورا کیا اور ہم نے اب تک کی سب سے زبردست بیٹار کے ساتھ جیم سیشن کیا، یہ واقعی ایک خاص لمحہ تھا۔
Legendary Sunil Gavaskar delivered a moment Jemimah Rodrigues will cherish forever, surprising her with a customised bat-shaped guitar before the duo jammed together on the eve of the WPL.
Their rendition of Yeh Dosti beautifully captured the joy, legacy and lighter side of… pic.twitter.com/C8SvJTpdJE
— Doordarshan Sports (@ddsportschannel) January 10, 2026
واضح رہے کہ سنیل گواسکر نے پہلے وعدہ کیا تھا کہ اگر جمیما ویمنز ون ڈے ورلڈ کپ جیتیں گی تو وہ ان کے ساتھ گانا گائیں گے، اور انہوں نے اپنا وعدہ نبھا دیا۔
دوسری جانب سابق بھارتی کپتان انجم چوپڑا کا کہنا ہے کہ آنے والے ویمنز پریمیئر لیگ سیزن میں دہلی کیپیٹلز کی قیادت کرتے ہوئے جمیما روڈریگز خود کا ایک نیا روپ دریافت کریں گی۔ ان کے مطابق قیادت صرف میدان تک محدود نہیں ہوتی بلکہ میدان سے باہر بھی فیصلے اور رویے ایک کھلاڑی کی شخصیت کو نکھارتے ہیں۔
یہ بھی پڑھیں: سنیل گواسکر کا بھارتی کرکٹ ٹیم کے ’پوسٹ مارٹم‘ کا مطالبہ
جمیما اس سے قبل دہلی کیپیٹلز میں میگ لیننگ کی نائب کپتان رہ چکی ہیں اور ٹیم 2023، 2024 اور 2025 میں مسلسل رنرز اپ رہی۔ میگ لیننگ کے یو پی واریئرز کی کپتان بننے کے بعد اب پہلی بار جمیما روڈریگز کو دہلی کیپیٹلز کی قیادت سونپی گئی ہے۔
انجم چوپڑا کا کہنا ہے کہ اس کردار میں جمیما نہ صرف ایک بیٹر اور فیلڈر کے طور پر بلکہ ایک قائد کے طور پر بھی خود کو بہتر طور پر سمجھیں گی۔ ان کے مطابق سینئر کھلاڑیوں اور ابھرتی ہوئی نوجوان ٹیلنٹ کے ساتھ ٹیم کی قیادت کرنا ایک بڑی ذمہ داری ہے، جو جمیما کے کیریئر میں مثبت ترقی کا باعث بنے گی۔
