مزدور حقوق کی تنظیم، چائنا لیبر واچ (CLW) نے دعویٰ کیا ہے کہ لیبوبو گڑیا بنانے والی چینی فیکٹری میں مزدوروں کے ساتھ غیر انسانی سلوک کیا جا رہا ہے۔
تنظیم کے مطابق گوانگ ڈونگ صوبے میں واقع شنجیا ٹوائز کمپنی لمیٹڈ میں ملازمین کو اضافی اوور ٹائم پر کام کرنا پڑتا ہے، نامکمل یا خالی معاہدوں پر دستخط کروائے جاتے ہیں اور انہیں تنخواہ کے ساتھ چھٹی نہیں دی جاتی۔ اگرچہ فیکٹری میں بچوں کی ملازمت نہیں دیکھی گئی، لیکن 16 سال کے نوجوان بھی وہی کام کر رہے تھے جو بالغ ملازمین کرتے ہیں، بغیر کسی قانونی حفاظتی تدابیر کے۔
مزید پڑھیں: چین: ’لیبوبو‘ گڑیا نہ ملنے پر بچے نے رشتے داروں کا لاکھوں یوآن کا نقصان کردیا
یہ فیکٹری پاپ مارٹ کی مرکزی سپلائر ہے اور 4,500 سے زائد ملازمین کو روزگار فراہم کرتی ہے۔ لیبوبو گڑیاں ’بلائنڈ باکسز‘ میں فروخت کی جاتی ہیں، جس میں خریدار کو کھولنے تک مواد معلوم نہیں ہوتا۔
پاپ مارٹ، جو بیجنگ میں قائم ہے، نے بی بی سی کو بتایا کہ وہ الزامات کی تحقیقات کر رہا ہے۔ کمپنی نے کہا کہ وہ اپنے سپلائرز کے باقاعدہ آڈٹ اور سالانہ آزادانہ معائنوں کے ذریعے قوانین کی پابندی کرواتی ہے اور اگر الزامات درست ثابت ہوئے تو اصلاحات لازمی کرائی جائیں گی۔
تنظیم نے 51 فیکٹری ملازمین کے انٹرویوز کیے تاکہ بھرتی، معاہدے اور کام کے حالات کا جائزہ لیا جا سکے۔ تنظیم نے غیر قانونی اوور ٹائم، غیر واضح معاہدے اور حفاظتی تربیت کی کمی کو نشاندہی کی اور پاپ مارٹ سے متاثرہ ملازمین کو معاوضہ دینے اور چین کے مزدور قوانین اور بین الاقوامی معیار کی پابندی یقینی بنانے کا مطالبہ کیا۔
The road might be bumpy, but the journey will be worth it!$LABUBU has now become a CTO run by both @notrafsburner and @ladytweb3cmo pic.twitter.com/9FkBpy49fx
— LABUBU (@LABUBU_0x) August 8, 2025
مزید پڑھیں: کامیڈین بھارتی سنگھ نے بیٹے کی لیبوبو ڈول کو کیوں جلا دیا؟
لیبوبو گڑیاں دنیا بھر میں مقبول ہو چکی ہیں اور اداکارہ کیم کارڈیشین اور کے پاپ گروپ بلیک پِنک کی رکن لیسا کی حمایت نے پاپ مارٹ کو ایک بڑے کھلونا ریٹیلر کے طور پر ابھارنے میں مدد دی ہے۔
