صدرِ پاکستان آصف علی زرداری بحرین کا 4 روزہ سرکاری دورہ مکمل کرنے کے بعد وطن واپس روانہ ہوگئے۔ منامہ ہوائی اڈے پر بحرین کے وزیرِ خارجہ ڈاکٹر عبد اللطیف بن راشد الزیانی نے صدرِ مملکت کو رخصت کیا۔
مزید پڑھیں: صدر آصف علی زرداری اور بحرینی وزیر داخلہ کی ملاقات، سیکیورٹی اور انسداد دہشتگردی تعاون پر تبادلہ خیال
صدر زرداری کے دورۂ بحرین کے دوران پاکستان اور بحرین کے درمیان دوطرفہ تعلقات، اقتصادی تعاون اور باہمی دلچسپی کے امور پر اہم پیش رفت ہوئی۔ دورے کا مقصد دونوں برادر ممالک کے مابین تعلقات کو مزید مستحکم کرنا اور اقتصادی و تجارتی تعاون کو فروغ دینا تھا۔
صدرِ پاکستان آصف علی زرداری بحرین کا چار روزہ سرکاری دورہ مکمل کرکے وطن واپس روانہ۔
صدرِ مملکت کو بحرین کے وزیرِ خارجہ ڈاکٹر عبد اللطیف بن راشد الزیانی نے منامہ ہوائی اڈے پر رخصت کیا۔ @BalochNadir5 @MediaCellPPP @PPP_Org pic.twitter.com/q6eBwM6Qfi— Media Talk (@mediatalk922) January 16, 2026
دورۂ بحرین کے دوران صدرِ مملکت نے بحرین کے فرمانروا شاہ حمد بن عیسیٰ الخلیفہ، ولی عہد و وزیرِ اعظم شہزادہ سلمان بن حمد الخلیفہ، وزیرِ داخلہ لیفٹیننٹ جنرل شیخ راشد بن عبداللہ الخلیفہ اور وزیرِ مالیات و قومی معیشت شیخ سلمان بن خلیفہ الخلیفہ سے ملاقاتیں کیں، جن میں دوطرفہ تعاون کو وسعت دینے پر اتفاق کیا گیا۔
مزید پڑھیں: صدر آصف علی زرداری کی کربلا میں روضۂ امام حسینؓ اور حضرت عباسؑ پر حاضری
صدر آصف علی زرداری کو دورے کے دوران شیخ عیسیٰ ایوارڈ سے بھی نوازا گیا۔ دورۂ بحرین کے نتیجے میں پاکستان اور بحرین کے درمیان دوطرفہ شراکت داری کے نئے امکانات اجاگر ہوئے۔
