امریکی نیوز اینکر نے منفرد موزے جمع کرنے کا عالمی ریکارڈ قائم کرلیا

ہفتہ 17 جنوری 2026
icon-facebook icon-twitter icon-whatsapp

امریکی شہر فلاڈیلفیا سے تعلق رکھنے والے ریٹائرڈ نیوز اینکر جم ڈونوون نے رنگ برنگے موزوں کے شوق کے باعث ایک منفرد عالمی ریکارڈ اپنے نام کر لیا۔ ان کے پاس موزوں کی 1 ہزار 531 منفرد جوڑیوں کا ذخیرہ موجود ہے، جسے دنیا کی سب سے بڑی موزوں کی کلیکشن تسلیم کیا گیا ہے۔

یہ بھی پڑھیں: بھارتی شہری نے انگریزی ٹائپنگ کا انوکھا ریکارڈ کس طرح اپنے نام کیا؟

جم ڈونوون کے مطابق دورانِ ملازمت ناظرین نے ان کے رنگین موزوں کو خاص طور پر نوٹس کیا، جس کے بعد مداحوں نے انہیں تحفے کے طور پر نت نئے موزے بھیجنا شروع کر دیے، کئی مداحوں نے تو ایسے موزے بھی ارسال کیے جن پر خود جم ڈونوون کی تصویر بنی ہوئی تھی۔

انہوں نے بتایا کہ برسوں کے دوران انہیں ہزاروں کی تعداد میں موزے موصول ہوئے اور یہ شوق آہستہ آہستہ ایک بڑی کلیکشن میں تبدیل ہو گیا۔ ریٹائرمنٹ کے موقع پر اس شوق کو باضابطہ طور پر عالمی ریکارڈ میں تبدیل کردیا گیا۔

یہ بھی پڑھیں: ترکیہ کی خاتون نے کون سا انوکھا عالمی ریکارڈ قائم کیا ہے؟

جم ڈونوون کا کہنا ہے کہ عالمی ریکارڈ بنانا ان کی زندگی کی خواہشات میں شامل تھا۔ انہوں نے یاد کیا کہ بچپن میں انہیں عالمی ریکارڈز کی کتاب بہت متاثر کرتی تھی اور اسی وقت ان کے دل میں کبھی نہ کبھی کوئی ریکارڈ بنانے کا خیال پیدا ہوا تھا۔

ان کے مطابق یہ اعزاز حاصل کرنا ان کے لیے ذاتی خوشی اور یادگار لمحہ ہے، جو ان کے طویل صحافتی کیریئر کا ایک منفرد اختتام ثابت ہوا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

بسنت کے رنگ فیشن مارکیٹ میں، پاکستانی برانڈز کی خصوصی کلیکشنز اور آفرز

 بسنت 2026 کو محفوظ اور پرامن بنانے کے لیے لاہور میں سخت حفاظتی انتظامات

ریکارڈ اضافے کے بعد سونے کی قیمتوں میں بڑی کمی، فی تولہ کتنا سستا ہوا؟

بھارتی فلم دھرندھر نیٹ فلکس پر ریلیز، اصلی فلم کہاں گئی؟

وزیر اعلیٰ خیبر پختونخوا کا سپریم کورٹ کے سامنے دھرنا: احتجاج کے حوالے سے پتے پوشیدہ ہیں، وی نیوز سے خصوصی گفتگو

ویڈیو

وزیر اعلیٰ خیبر پختونخوا کا سپریم کورٹ کے سامنے دھرنا: احتجاج کے حوالے سے پتے پوشیدہ ہیں، وی نیوز سے خصوصی گفتگو

سخت شرائط کے باوجود اسٹینڈ بائی پروگرام حاصل کیا اور پاکستان کو اقتصادی بحران سے نکالا، شہباز شریف

کیا محمود اچکزئی حکومت اور پی ٹی آئی کے درمیان مذاکرات کروا پائیں گے؟

کالم / تجزیہ

طالبان کہانی: افغان طالبان سے پاکستانی طالبان تک

کیا سوشل میڈیا کا دور ختم ہوا؟

ایک تھا ونڈر بوائے