انڈر 19 ورلڈ کپ کے اہم میچ میں بھارت نے ڈی ایس ایل کے تحت بنگلہ دیش کو 18 رنز سے شکست دے دی ہے۔
یہ بھی پڑھیں: انڈر 19 ورلڈ کپ: بھارتی اور بنگلہ دیشی کپتانوں کا ہاتھ ملانے سے گریز، کشیدگی کھل کر سامنے آ گئی
میچ میں بھارت انڈر 19 نے 49 اوورز میں 238 رنز بنائے، جبکہ بنگلہ دیش کی اننگز کے دوران دوران بارش ہوگئی، میچ 29 اوورز تک محدود کردیا گیا اور بنگلہ دیش کو جیت کے لیے 165 رنز کا ہدف ملا، ہدف کے تعاقب میں بنگلہ دیش انڈر 19 ٹیم 29 اوورز میں 165 رنز کے ہدف کے مقابلے میں 146 رنز پر آؤٹ ہو گئی۔
اس سے قبل بھارت نے پہلے بیٹنگ کرتے ہوئے مقررہ 49 اوور میں 238 رنز بنائے، بھارتی ٹیم کا آغاز مایوس کن رہا اور ابتدائی 3 وکٹیں صرف 12 رنز پر گر گئیں، تاہم اس کے بعد ویبھو سوریاونشی اور ابھیگیان کنڈو نے اننگز کو سنبھالا۔ ویبھو سوریاونشی نے 67 گیندوں پر 72 رنز کی جارحانہ اننگز کھیلی، جبکہ ابھیگیان کنڈو نے 112 گیندوں پر 80 رنز بنا کر نمایاں کارکردگی دکھائی۔
کنیشک چوہان نے 26 گیندوں پر 28 رنز اسکور کر کے ٹیم کے مجموعی اسکور میں اہم اضافہ کیا۔ بھارت کی پوری ٹیم 48.4 اوورز میں 238 رنز پر آؤٹ ہو گئی۔
یہ بھی پڑھیں: بی سی سی آئی نے مستفیض الرحمان کو آئی پی ایل میں واپسی کی پیشکش کردی؟
بنگلہ دیش کی جانب سے الفہد نے شاندار بولنگ کرتے ہوئے 9.2 اوورز میں 38 رنز دے کر 5 وکٹیں حاصل کیں، جبکہ عزیز الاسلام حکیم اور اقبال حسین ایمون نے 2،2 کھلاڑیوں کو آؤٹ کیا۔
ہدف کے تعاقب میں بنگلہ دیش کی طرف سے عزیز الحقیم نے 51 اور رفعت بیگ نے 37 رنز بنائے، لیکن بھارتی بولرز کے سامنے بیٹنگ لائن زیادہ دیر نہ ٹھہر سکی۔ ویہان ملہوترا نے شاندار آل راؤنڈ کارکردگی دکھاتے ہوئے 4 وکٹیں حاصل کیں اور فیلڈنگ میں 2 کیچ بھی پکڑے۔
میچ میں نمایاں کارکردگی پر ویہان ملہوترا کو پلیئر آف دی میچ قرار دیا گیا۔ یہ کامیابی بھارت انڈر 19 ٹیم کے لیے ٹورنامنٹ میں ایک اہم پیش رفت سمجھی جا رہی ہے۔
