لاہور سمیت پنجاب کے بیشتر میدانی علاقے دھند کی لپیٹ میں ہیں، تاہم حد نگاہ میں بہتری کے بعد آج صبح متعدد مقامات پر بند موٹرویز کو ٹریفک کے لیے کھول دیا گیا ہے۔
ترجمان موٹروے پولیس کے مطابق دھند کے باعث موٹروےایم 2 کو لاہور سے کوٹ مومن تک، موٹروے ایم 3 کو فیض پور سے سمندری تک، موٹروے ایم 4 کو شام کوٹ سے عبدالحکیم تک اور لاہور سیالکوٹ موٹروے ایم 11 کو رات گئے ٹریفک کے لیے بند کر دیا گیا تھا۔
یہ بھی پڑھیں: پنجاب میں دھند اور ملک بھر میں سرد موسم کی شدت، موٹر ویز بند، این ڈی ایم اے کا الرٹ جاری
نیشنل ہائی ویز اینڈ موٹروے پولیس نے موٹرویز سے متعلق تازہ صورتحال سے آگاہ کردیا ہے۔
موٹروے ایم-2 اسلام آباد تا لاہور کو حدِ نگاہ بہتر ہونے پر ٹریفک کی آمدورفت کے لیے کھول دیا گیا ہے۔
— National Highways & Motorway Police (NHMP) (@NHMPofficial) January 18, 2026
پولیس کی جانب سے سوشل میڈیا پلیٹ فارم ایکس پر جاری بیان کے مطابق حدِ نگاہ میں بہتری آنے کے بعد مختلف موٹرویز کو ٹریفک کی آمدورفت کے لیے کھول دیا گیا ہے۔
اعلامیے کے مطابق موٹروے ایم-1 صوابی تا برہان، موٹروے ایم-2 اسلام آباد تا لاہور، موٹروے ایم-11 ایسٹرن بائی پاس تا کالا شاہ کاکو ٹول پلازہ اور موٹروے ایم-2 کے حصے کوٹ مومن تا خانقاہ ڈوگراں پر ٹریفک بحال کر دی گئی ہے۔
مزید پڑھیں: کراچی سمیت سندھ میں بارش، بالائی علاقوں میں شدید برفباری کا امکان
موٹروے پولیس نے مسافروں سے اپیل کی ہے کہ سفر کے دوران محتاط ڈرائیونگ کریں اور مقررہ رفتار کی پابندی کو یقینی بنائیں۔
ترجمان نے شہریوں سے دھند میں سفر سے گریز کی اپیل کرتے ہوئے کہا ہے کہ بہترین اور محفوظ سفری اوقات صبح 10 سے شام 6 بجے تک ہیں۔
