اسلام آباد پولیس نے سال 2026 کے پہلے اندھے اور سنگین قتل کیس کو قلیل وقت میں ٹریس کرتے ہوئے ایک بڑی کامیابی حاصل کرلی ہے۔
ترجمان اسلام آباد پولیس کے مطابق شیخ عبد الرؤف کے قتل میں ملوث ملزم واجد کو 48 گھنٹوں کے اندر گرفتار کرلیا گیا۔
یہ بھی پڑھیں: سردار فہیم قتل کیس کے ملزمان کو اسلام آباد پولیس نے کیسے گرفتار کیا؟
آئی جی اسلام آباد نے بتایا کہ ملزم قتل کے بعد مقتول کی ہی گاڑی میں فرار ہوگیا تھا، تاہم اسلام آباد پولیس نے سیف سٹی کیمروں، جدید ٹیکنالوجی اور انسانی ذرائع کی مدد سے ملزم کو کامیابی سے ٹریس کرلیا۔
اسلام آباد میں 13 جنوری کو قتل ہونے والے پی ٹی آئی لیگل ٹیم ممبر وکیل شیخ رؤف کا مبینہ قاتل پولیس نے گرفتار کرکے اسلام آباد کچہری پیش کر دیا جوڈیشل مجسٹریٹ میاں اظہر ندیم نے 5 روزہ جسمانی ریمانڈ منظور کر لیا مالاکنڈ ایجنسی سے تعلق رکھنے والے ملزم واجد خان کو پولیس نے گرفتار ی pic.twitter.com/DmzM6O34eq
— Asim Baig Adv (@AsimBaigILF) January 17, 2026
گرفتار ملزم اس وقت زیرِ تفتیش ہے اور عدالت نے اسے 5 روزہ جسمانی ریمانڈ پر پولیس کے حوالے کردیا ہے۔
آئی جی اسلام آباد کا کہنا تھا کہ یہ کامیابی اسلام آباد پولیس کی ٹیم کی بہترین کوآرڈی نیشن، پیشہ ورانہ صلاحیتوں اور انتھک محنت کا نتیجہ ہے۔
مزید پڑھیں: ڈاکوؤں کی فائرنگ سے اسلام آباد پولیس کا آفیسر شہید، سپاہی زخمی
انہوں نے مزید بتایا کہ اسلام آباد پولیس نے سال 2025 کے دوران بھی 18 سنگین جرائم کو بروقت اور قلیل وقت میں ٹریس کیا۔
آئی جی اسلام آباد نے واضح کیا کہ کوئی بھی ملزم خواہ کتنا ہی چالاک کیوں نہ ہو، قانون کی گرفت سے بچ نہیں سکتا۔
’شہریوں کے جان و مال کے تحفظ کے لیے پولیس ہر ممکن اقدامات جاری رکھے گی۔‘
