پاکستان مسلم لیگ ن کے قائد و سابق وزیراعظم نواز شریف نے عمران خان کے ساتھ کسی بھی قسم کے مذاکرات کو خارج از امکان قرار دیتے ہوئے کہا ہے کہ بات چیت صرف سیاست دانوں سے کی جاتی ہے۔
بات چیت صرف سیاست دانوں سے کی جاتی ہے۔
شہدا کی یادگاروں کو جلانے والے، ملک کو آگ لگانے والے دہشت گردوں اور تخریب کاروں کے گروہ سے کسی قسم کی کوئی بات چیت نہیں ہو گی۔— Nawaz Sharif (@NawazSharifMNS) May 27, 2023
سماجی رابطے کی ویب سائٹ پر اپنی ایک ٹوئٹ میں انھوں نے کہا کہ شہدا کی یادگاروں کو جلانے والے، ملک کو آگ لگانے والے دہشت گردوں اور تخریب کاروں کے گروہ سے کسی قسم کی کوئی بات چیت نہیں ہو گی۔
واضح رہے کہ چیئرمین تحریک انصاف عمران خان نے پی ٹی آئی کے وائس چیئرمین شاہ محمود قریشی کی سربراہی میں ایک مذاکراتی کمیٹی تشکیل دی ہے جسے یہ مینڈیٹ دیا گیا ہے کہ وہ انتخابات کے حوالے سے حکومت کے ساتھ بات چیت کرے۔
چیئرمین پی ٹی آئی عمران خان کی ہدایات پر حکومت کے ساتھ مذاکراتی ٹیم تشکیل دے گئی
مذاکراتی ٹیم میں شامل تمام 7 لوگوں کے نام سے نوٹیفکیشن جاری کردیا گیا
*چیئرمین تحریک انصاف عمران خان کی بنائی گئی 7 ممبران پر مبنی ٹیم انتخابات کے حوالے سے حکومت کے ساتھ لائحہ عمل طے کریگی*
شاہ… pic.twitter.com/rHYWWAoTnA
— PTI (@PTIofficial) May 27, 2023
اس سے قبل عمران خان نے 24 مئی کے روز اپنے خطاب میں کمیٹی بنانے کا اعلان کیا تھا۔
یہ بھی پڑھیں پی ڈی ایم نہیں ’با اختیار لوگوں‘ کے ساتھ مذاکرات کے لیے تیار ہوں: عمران خان
یہ بھی واضح رہے کہ چیف جسٹس آف پاکستان سپریم کورٹ جسٹس عمر عطا بندیال کے کہنے پر حکومت اور پی ٹی آئی کے درمیان انتخابات کی تاریخ کے معاملے پرمذاکرات ہو چکے ہیں جو نتیجہ خیز ثابت نہیں ہو سکے تھے۔