کراچی کے جناح اسپتال کی سابق ایگزیکٹو ڈائریکٹر ڈاکٹر سیمی جمالی انتقال کر گئی ہیں۔
ڈاکٹر سیمی جمالی کینسر کے عارضے میں مبتلا تھیں اور وہ کئی روز سے کراچی کے نجی اسپتال میں زیرعلاج تھیں۔
خاندانی ذرائع کے مطابق ڈاکٹر سیمی جمالی کی نماز جنازہ اتوار کے روز عصر کی نماز کے بعد ادا کی جائے گی۔
ڈاکٹر سیمی جمالی نے نوابشاہ سے اپنی میڈیکل کی تعلیم مکمل کی۔ اس کے بعد انھوں نےتھائی لینڈ سے ماسٹرآف پبلک ہیلتھ مینجمنٹ کی ایڈوانس ڈگری حاصل کی۔
ڈاکٹرسیمی جمالی نے 1988 میں بطور آر ایم او جے پی ایم سی جوائن کیا۔ ان کو 1995 میں جے پی ایم سی کے شعبہ حادثات کا انچارج مقرر کیا گیا۔
ڈاکٹر سیمی جمالی 2010 میں جے پی ایم سی کی جوائنٹ ایگزیکٹو ڈائریکٹر بنیں اور 6 سال بعد جے پی ایم سی کی ایگزیکٹو ڈائریکٹر مقرر ہوئیں۔
