پاکستان تحریک انصاف خیبر پختونخوا کے صدر پرویز خٹک نے ملک میں عدم استحکام کے خاتمے کے لیے ’گرینڈ ڈائیلاگ‘ کی ضرورت پر زور دیا ہے۔
سماجی رابطے کی ویب سائٹ پر اپنی ایک ٹوئٹ میں انھوں نے کہا کہ ملک میں اس وقت سیاسی بے چینی کی وجہ سے معاشی بدحالی ہےا ور بے روزگاری بڑھتی چلی جا رہی ہے۔ اس کے علاوہ ملک میں تناؤ بہت ہے اور امن وامان کی صورت حال بھی سنگین ہے۔
1/2 ملک میں جو اس وقت سیاسی بے چھینی ہے ،جو معاشی بدحالی ہے اور بے روزگاری بڑھ رہی ہے ۔ ملک میں تناو بہت زیادہ ہے اور امن و امان کی سنگین صورتحال ہے۔ اس وقت ضرورت اس بات کی ہے کہ ملک میں گرینڈ ڈائیلاگ ہو تاکہ ملک میں سیاسی پولرازیشن کم ہو اور سیاسی عدم استحکام کا خاتمہ
— Pervez Khattak (@PervezKhattakPK) May 27, 2023
پرویز خٹک کا کہنا تھا کہ سیاسی عدم استحکام کا خاتمہ کرنے کے لیے مل بیٹھنا ہوگا تاکہ ملک کو اس سے نجات مل سکے۔ اس کے لیے تمام اسٹیک ہولڈرز کو اپنے موقف سے ایک قدم پیچھے ہٹ کر پاکستان کا سوچنا ہوتا۔
انھوں نے کہا کہ ہم چاہتے ہیں کہ ملک میں سیاسی استحکام آئے۔ اس لیے پی ٹی آئی نے مذاکراتی کمیٹی تشکیل دی ہے۔
واضح رہے کہ چیئرمین تحریک انصاف عمران خان نے حکومت کی جانب سے مذاکرات کے لیے جو کمیٹی تشکی دی ہے پرویز خٹک اس کا بھی حصہ ہیں اور انھوں نے اسی تناظر میں بیان بھی جاری کیا ہے۔