وزیر اطلاعات پنجاب عظمیٰ بخاری نے شہریوں سے التماس کیا ہے کہ وہ مری کے سفر سے فی الحال گریز کریں، کیونکہ مری میں برفباری کے باعث ہوٹلز اور سڑکیں شدید طور پر بھر چکی ہیں۔
مزید پڑھیں: برفباری سے مری کی سڑکیں بند، اسلام آباد پولیس کا سیاحوں کے لیے ٹریفک الرٹ جاری
عظمیٰ بخاری نے اپنے پیغام میں کہا کہ مری میں تمام ہوٹل مکمل فل ہو چکے ہیں اور مزید گنجائش نہیں رہی۔ مری میں برفباری کی شدت بہت زیادہ ہے۔ مری میں گنجائش سے زیادہ گاڑیاں پہلے ہی داخل ہو چکی ہیں، مزید داخلے کی اجازت نہیں۔
مزید پڑھیں: مری میں برفباری، ضلعی انتظامیہ اور ریسکیو ادارے متحرک
وزیر اطلاعات نے شہریوں سے خصوصی درخواست کی کہ وہ فی الحال مری کا سفر مؤخر کریں تاکہ کسی بھی ناخوشگوار واقعے سے بچا جا سکے اور سیاح محفوظ رہیں۔ سیاحوں کی حفاظت حکومت کی اولین ترجیح ہے۔ مری میں سیاحوں کی بڑی تعداد پہلے سے موجود ہے۔
