مشہور ماڈل بیلا حدید اور ایڈن بانیولوس نے دو سال کے تعلقات کے بعد علیحدگی اختیار کر لی ہے جو کہ کافی عرصے سے اتار چڑھاؤ کا شکار تھے۔ ذرائع کے مطابق، دونوں کے درمیان مشترکہ کاروباری اور ذاتی مفادات نے اس فیصلے کو پیچیدہ بنا دیا ہے۔
رپورٹس کے مطابق جوڑا دوران تعلقات کئی لاکھ ڈالر مالیت کے گھوڑے مشترکہ طور پر خرید چکا ہے۔ تعلقات میں مشکلات کی ابتدا جون میں سامنے آئی تھی، تاہم اکتوبر میں بانیولوس نے انسٹاگرام پر اپنی سالگرہ مناتے ہوئے ان کے تعلقات کی خوبصورتی کو یاد کیا۔
View this post on Instagram
بیلا حدید کو دسمبر کے اوائل میں بانیولوس کے ایک ایونٹ میں دیکھا گیا تاہم وہ ساتھ موجود نہیں تھے۔ ذرائع کے مطابق دسمبر کے آخر تک تعلقات مکمل طور پر ختم ہو چکے تھے اور تعطیلات میں حدید دوستوں کے ساتھ اسپن میں وقت گزاریں جبکہ بانیولوس وہاں موجود نہیں تھے۔
یہ بھی پڑھیں: بیلا حدید کی ویلنٹائن ڈے پوسٹ کو 18 لاکھ لائیکس کیوں ملے؟
جوڑا 2023 کے خزاں میں ٹیکساس کے فورٹ ورتھ میں ایک گھوڑے کے شو کے دوران ملا تھا۔ حدید نے ایک انٹرویو میں کہا تھا کہ ’میں نے اسے دیکھا اور ایسا لگا جیسے تازہ ہوا کا جھونکا آیا ہو۔‘ تعلقات کے ابتدائی دنوں میں حدید بانیولوس کے ففتھ ویل ٹریلر میں رہیں اور بعد میں ٹیکساس میں ایک گھر خرید لیا۔
بانیولوس گھوڑوں کی تربیت اور نمائش میں سرگرم ہیں۔ ایک سابقہ انٹرویو میں انہوں نے حدید کے بارے میں کہا تھا کہ ’یہ نوجوان لڑکی سب سے مہربان، دل بڑا رکھنے والی اور پیاری شخصیت کی حامل ہے جس سے میں کبھی ملا ہوں، میں نہیں جانتا کہ خدا نے ایسے بھی انسان بنائے ہیں‘۔
