پاکستانی ٹی وی اداکارہ لائبہ خان مدینہ منورہ میں شادی کے بندھن میں بندھ گئیں۔
یہ بھی پڑھیں: لاہور سے کراچی لاپتا ہونے والی 13سالہ فین لوٹ آئی، کبریٰ خان نے ملنے کا وعدہ کرلیا
اداکارہ نے 27 جنوری کو انسٹاگرام پر خوشخبری شیئر کی جس میں 11 جنوری کو مدینہ میں ایک نجی نکاح کی تقریب کی چند دلکش تصاویر بھی شامل تھیں۔ 29 سالہ اداکارہ نے پوسٹ کے ساتھ لکھا کہ ’بسْمِ اللہِ الرَّحْمَٰنِ الرَّحِيم۔ ایک دعا کا جواب، ایک وعدہ پورا۔ ہمارا نکاح اللہ پاک کے لکھے ہوئے شہر امن اور برکت میں‘۔
انہوں نے مزید لکھا کہ ہمارے لیے دعائیں کریں…ماشاءاللہ…الحمدللہ‘۔
اس موقعے پر لائبہ خان نے سادہ سفید عبایا پہنا ہوا تھا جس پر سنہری دبکہ کی خوبصورتی تھی اور ساتھ میں سرخ دوپٹہ تھا جس پر ’جواد کی دلہن‘ لکھا گیا تھا۔
View this post on Instagram
اداکارہ نے قدرتی اور بغیر میک اپ کے انداز کو ترجیح دی جو ان کی بے ساختہ خوبصورتی کو نمایاں کرتا ہے۔
مزید پڑھیے: اداکارہ نورین گلوانی شادی کرنے کے لیے بے تاب، دُلہے کی خوبیاں بھی گِنوا دیں
اہم بات یہ ہے کہ لائبہ خان نے اپنے شوہر کی تصویر شیئر نہیں کی اور انہیں عوامی نظر سے دور رکھا۔
انسٹاگرام پوسٹ کے بعد مداحوں اور دوستوں نے تبصروں میں محبت بھرے پیغامات بھیجے۔
مزید پڑھیں: یشما گل کی ہانیہ عامر کو شادی کی پیشکش، اداکارہ کا جواب بھی سامنے آگیا
لائبہ خان پاکستانی ٹی وی کی ابھرتی ہوئی اسٹار ہیں جنہوں نے اپنی شاندار کارکردگی سے کم وقت میں بھرپور توجہ حاصل کی اور بڑی تعداد میں آن لائن فالوورز بنائے۔
ان کے معروف سیریلز میں آفت، آس پاس، بیلگام اور دیگر شامل ہیں۔
