پی ٹی آئی رہنما مشال یوسفزئی نے ’ایکس‘ پر کی گئی ٹوئٹ میں کہا ہے کہ کور کمیٹی کی جانب سے جاری پریس ریلیز میں 2 گھنٹے طویل نشست کے بعد لیے گئے فیصلے شامل نہیں ہیں اور یہ پریس ریلیز اصل میٹنگ کے منٹس سے مطابقت نہیں رکھتی۔ انہوں نے واضح کیا کہ اس میں عمران خان کے احکامات، ملاقاتوں یا شوکت خانم کے ڈاکٹروں کی رسائی کے حوالے سے کوئی ذکر نہیں ہے۔
شیخ وقاص صاحب بصد احترام کور کمیٹی میں تفصیل سے ڈسکس ہونے والے خان صاحب کے احکامات پر عمل درآمد کرنے کا نا اس میں تذکرہ ہے ، نا ہی اس میں خان صاحب سے ملاقات اور شوکت خانم کے ڈاکٹرز کی رسائی نا ہونے کی صورت میں کے پی کو بند کرنے کے حوالے کی گئی گفتگو اور ڈسکس کی گئی آپشنز کا کوئی… https://t.co/uZdhodmXiD
— Mashal Yousafzai🇵🇰 (@AkMashal) January 28, 2026
مشال یوسفزئی نے اپنی ٹوئٹ میں کہا کہ شیخ وقاص اکرم کے ذریعے جاری پریس ریلیز میں وہ تمام اہم فیصلے غائب ہیں جو کور کمیٹی کی میٹنگ میں طے پائے تھے۔ ان کا کہنا تھا کہ اس پریس ریلیز میں جو معلومات دی گئی ہیں، وہ حقیقت سے مختلف ہیں اور میٹنگ کے اصل منٹس سے مطابقت نہیں رکھتیں۔
انہوں نے یہ بھی کہا کہ میٹنگ میں کئی دیگر اہم امور پر بات ہوئی جو پریس ریلیز میں شامل نہیں کی گئی، جس کی وجہ سے پارٹی کے اندرونی فیصلوں کی مکمل تصویر عوام کے سامنے نہیں آ رہی۔
پاکستان تحریک انصاف کی کور کمیٹی کا اعلامیہ:
بتاریخ: 28 جنوری 2026
پاکستان تحریک انصاف کی کور کمیٹی نے چیئرمین عمران خان کی صحت کے حوالے سے قومی اخبارات اور سوشل میڈیا پر سامنے آنے والی خبروں پر شدید تشویش کا اظہار کیا ہے۔ اخباری رپورٹس کے مطابق عمران خان کو پمز ہسپتال اسلام…
— Sheikh Waqas Akram (@SheikhWaqqas) January 28, 2026
یہ واضح رہے کہ پریس ریلیز پی ٹی آئی کے سیکریٹری اطلاعات شیخ وقاص اکرم کی جانب سے جاری کی گئی تھی، تاہم مشال یوسفزئی کے مطابق اس میں کور کمیٹی کی میٹنگ میں ہونے والے حقیقی فیصلوں کا تذکرہ موجود نہیں ہے۔
