وزارت مذہبی امور نے سعودی حج ویزہ کے لیے بائیو میٹرک کے حوالے سے اہم ہدایات جاری کی ہیں۔ ترجمان وزارت نے کہا کہ تمام عازمین حج ’سعودی ویزا بائیو‘ ایپ کے ذریعے گھر بیٹھے اپنی بائیو میٹرک جلد مکمل کریں۔
https://play.google.com/store/apps/details?id=sa.gov.mofa.saudivisabio&pcampaignid=web_share
مزید پڑھیں: سعودی وزارت حج و عمرہ کا عرفاتِ جبل پر زائرین کے لیے آگاہی اور رہنمائی پروگرام جاری
وزارت کے مطابق حج ویزا کے حصول کے لیے سعودی بائیو میٹرک کروانا لازمی ہے۔ اگر کسی عازم حج کے لیے ایپ کے ذریعے بائیو میٹرک ممکن نہ ہو سکے تو وہ قریبی سعودی تاشیر سینٹرز سے 8 فروری سے قبل بائیو میٹرک مکمل کروا سکتے ہیں۔
مزید پڑھیں: حج کوٹہ 2 لاکھ 30 ہزار کرنے کے لیے سعودی حکام سے رابطے میں ہیں، وزیر مذہبی امور سردار محمد یوسف
ترجمان نے خبردار کیا کہ بائیو میٹرک مکمل نہ ہونے کی صورت میں حج ویزہ نہیں جاری کیا جائے گا۔ مزید براں، سعودی تاشیر سینٹرز کی تفصیلات اور بائیو میٹرک کے لیے رہنمائی پاک حج موبائل ایپ پر دستیاب ہیں۔
