سعودی عرب نے بلوچستان کے مختلف علاقوں میں بھارتی حمایت یافتہ دہشتگردوں کے حملوں کی شدید الفاظ میں مذمت کی ہے۔
یہ بھی پڑھیں: بلوچستان: سیکیورٹی فورسز نے بھارتی حمایت یافتہ دہشتگردوں کے حملے ناکام بنا دیے، 108 ہلاک، 10 جوان شہید
سعودی وزارتِ خارجہ کی جانب سے جاری بیان میں کہا گیا ہے کہ مملکت ہر قسم کی دہشتگردی اور انتہاپسندی کو یکسر مسترد کرتی ہے اور اس حوالے سے اپنے اصولی اور دوٹوک مؤقف کی ایک بار پھر تجدید کرتی ہے۔
وزارتِ خارجہ مملکتِ سعودی عرب کی جانب سےاسلامی جمہوریہ پاکستان کےصوبہ بلوچستان کےمختلف علاقوں میں علیحدگی پسندعناصر کی جانب سےکیےگئےدہشت گردانہ حملوں کی شدید مذمت کرتی ہے۔مملکت سعودی عرب دہشت گردی اور انتہاپسندی کی تمام کارروائیوں کومکمل طورپر مستردکرنےکےاپنےمؤقف کی تجدیدکرتی ہے۔ https://t.co/a1UwXmkY8K
— السفارة في باكستان – سعودی سفارت خانہ (@KSAembassyPK) January 31, 2026
بیان میں پاکستان کے ساتھ مکمل یکجہتی کا اظہار کرتے ہوئے کہا گیا کہ مملکتِ سعودی عرب پاکستان کی سلامتی، استحکام اور امن کے خلاف ہونے والی تمام کارروائیوں کی مخالفت کرتی ہے اور دہشتگردی کے خلاف عالمی کوششوں کی حمایت جاری رکھے گی۔
یہ بھی پڑھیں: کوئٹہ: دہشتگردی کے واقعات میں شہید پولیس اہلکاروں کی نماز جنازہ ادا، اعلیٰ حکام کی شرکت
یاد رہے کہ گزشتہ 2 روز کے دوران بلوچستان کے مختلف علاقوں میں دہشتگردوں کے خلاف آپریشن کے دوران سیکیورٹی فورسز نے 108 دہشتگردوں کو ہلاک کیا ہے، اس دوران دہشتگردوں کے خلاف لڑتے ہوئے 10 بہادر پولیس اور سیکیورٹی فورسز کے جوان شہید ہوئے ہیں۔
