لاہور ہائیکورٹ نے بسنت کے موقعے پر عوام کے تحفظ کو یقینی بنانے کے لیے تمام ضروری حفاظتی اقدامات مکمل کرنے کا حکم دے دیا۔
یہ بھی پڑھیں: لاہور میں محفوظ بسنت کے لیے ضلعی انتظامیہ متحرک
عدالت نے بسنت کے دوران ریڈ زون میں واقع پارکوں میں میڈیکل سہولیات کے کیمپس قائم کرنے کی بھی ہدایت جاری کی ہے۔
یہ عبوری حکم جسٹس ملک اویس خالد نے گزشتہ سماعت کے تحریری فیصلے میں جاری کیا۔ عدالت نے حکم دیا کہ بسنت فیسٹیول کے دوران تمام متعلقہ فریقین عوام کے جان و مال کے تحفظ کو یقینی بنائیں۔
عدالت نے مزید ہدایت کی کہ کسی بھی ایمرجنسی صورتحال سے نمٹنے کے لیے تمام سہولیات کو فعال رکھا جائے۔
اس موقعے پر اے ڈی سی جی کی جانب سے عدالت میں رپورٹ پیش کی گئی جس میں بتایا گیا کہ تین ہسپتالوں کو موبلائز کر دیا گیا ہے۔
مزید پڑھیے: لاہور میں بسنت کے رنگ بکھر گئے
لاہور ہائیکورٹ نے کیس کی مزید سماعت 11 فروری تک ملتوی کر دی۔
